السلام عليكم ورحمة الله وبركاته ...

أولا : اتشرف ان اكـون من أعضاء هذا المنتدى الشامخ ((منتدى قبيلة الدواسر)) الشامخ باعضاءه وادارته ...


ثانيا : الاخ السهلي 915 ... مشكور على ايراد هذه الوقعة بين السهول ومطير ..

ولكن انت لخبطت بين اسم الوقعة وبالقصيدة وبين من ومن بالضبط ...

وقعة عيده هي بين الشيخ : علوش ابن جلعود المحيميدي وبين الدويش وربعه
وقيل ان مع آل محيميد في هذه المعركة آل منجل والمحانيه من قبيلة السهول ..

وهذه قصيدة راشد ابن ختلان المحيميدي بعد هذه الوقعة :

يالله ياللي عالين في رفاعه=ياعالمن وش ذا العرب وش بيسون
احدن لبس درعه وشمر ذراعه=واهل السبايا بالهنادي يعرضون
الاد حمدان ضربهم بالوقاعه=لا غورت الاصوات عيوا يغورون
جانا من الآد العقيلي مشاعه=والآد سلطان على الهوش يرسون

الآد العقيلي عزوة قبيلة آل منجل من السهول ..
الآد سلطان عزوة قبيلة المحانيه من السهول ..

اما هذه القصيدة التي اوردتها انت طال عمرك فهي في وقعة **خبرا البرازات** بين الدويش ومن معه من مطير

وبين قبيلتي البرازات والظهران من السهول ...

وهي وقعة معروفة في خبرا البرازات في نجــد ...

اما من طرف الفارس الشجاع : عرهان بن باتل البرازي .. فهو فارس لا يشق عليه غبار

ومعروف لدى اهل نجد كلهم ...

يا ويلهم من سربةً جرها عرهان ** اليا صاح بالبلها وحنـت تواليها

فذكرت هنا .. والبلها هي عزوته وهي احدى الخيل الاصيلة في نجد .. وهذا خطا كبير

فالحنين للأبـل وليس للخيل ...

و البلها هي ابله وهي عزوته المعروفه .... ((خيال البلها عرهان))



اما حصانه المشهور فهو عبيــان مربط الخيل الاصايل....

وحبيت هنـا اضافة بعــض ما قيل في الفارس عرهان وفي حصانه ..

قال الشاعر عبدالله بن سبيل يمازح الشاعر حنيف بن سعيدان المطيري :

العير عير حنيف عيا يبيعه ** ما كنه الا كاسبن غوج عرهان

وقول الفارس والشاعر المعروف شالح بن هدلان القحطاني :

ماجور يا غوجً تحت عرهان ** اللي على سوا البلا حاديه
يثنيه عند صغير الحيران ** والروح تدبيره على واليه

وقول الشاعر سعد بن منير الزقعاني السهلي :

لا زعزع البلها على حصان عرهان ** كل السباع الضاريه يسجدوني

وقول الشاعر شنار بن سداح المنجلي السهلي :

ومؤرخً عرهان عقب الأولين ** راعي الاصايل والعلوم الطايله


ومن قصصه : عندما هاجم عبدالعزيز بن متعب الرشيد العارض ارسل عدة سرايا لمهاجمة عرهان طمعا في ابله وحصانه , وكان عرهان وحيدا عند ابله مع اثنين من ابناءه وكانت كلما هاجمته سرية منهم يعتزي بعزوة المشهورة ( خيال البلها عرهان جعلني الجدري ماتقطعون الريع ) فكانوا يهابونه لما وجدوه منه من شجاعة وبطولة , فلما اعياهم بشجاعته عادوا الى ابن رشيد واخبروه انهم لم يتمكنوا من عرهان فهوا فارس لايشق له غبار , فقال ابن رشيد قولته المشهور ( خيل طردها عرهان حق اهلها الرياعــي )

قال الشاعر سلطان بن حماده الظهيري السهلي :

ومنهم عن المظيوم لوما بملواح = عرهان فكاك البكـار الحنازيـب
كم طيب بالكون من حربته طاح = حالف على الريعان ماهي تكاذيب

ويسمــى حصان عرهان باسم صاحبه ايضا **عرهان**

قال مطلق بن زيد الجبعاء الدويش المطيري :

لحقـوا على حمرن بناتن لعرهان ** يا ويل راعي التاليه في نحاها


وقال احد شعراء البرازات :

مركوبنا حمرن بناتن لعرهان ** ومركوبكم عيرن تقاطر زغونه
ماناكل الا حيل واذناب خرفان ** وانتم مخانيز السمك تاكلونه

ومن قصصه ايضا :
اشتهر باسم (ابرق عرهان) مكان في العتش الاعلى شمال بلدة ثادق , وقد حصل عند هذا الابرق وقعة , فقد هاجمه ركب من احدى القبائل عند ابله فاعتزى بعزوته المشهورة فلما لم يستجيبوا له هاجمهم فافناهم عن بكرة ابيهم عند هذا الابرق فاشتهر هذا الابرق باسمه حتى الان .

قال فهد بن عبدالله الحويف الظهيري :



وان حضر في الكون خيال العبيه = يدلي بسيفه بعد يرخي العنانـي
يشهد الابرق وضلعـان تمريـه = يوم سد الريع من فوق الحصاني

اللي يبينـا ما نجي له طماعه=يرجع بعد عزه من الذل مغبون