::: مـنتدى قبيلـة الـدواسـر الـرسمي ::: - قصيدة للشاعر : عبدالله بخيتان ضافي المخاريم

- :: قسم الـشعر العــام :: (http://alduwaser.org/vb/forumdisplay.php?f=16)

قصيدة للشاعر : عبدالله بخيتان ضافي المخاريم

الإخوة أعضاء وزوّار الموقع الأفاضل أضع بين أيديكم قصيدة للشاعر عبدالله بن بخيتان بن ضافي المخاريم وهي في زميله محمد بن مريف آل ضوّيان الوداعين

آمل أن تنال على استحسانكم وإعجابكم

يا نفس يا اللي سل حالي سعيرها = تزفر وصكّات الليالي تذيرها
عيّت تونّس من همومٍ تضدها = يا الله يا ربي تهوّن زفيرها
من صحبة أصحابٍ علينا تغيّرت = واللي من أول شيخها جا حقيرها
طاح القناع وكل قومٍ تبيّنت = بانت حقايقها وشفنا مسيرها
ناسٍ تبلّج بالثنايا وغلّها = بقلوبها في كل خزيٍ يديرها
ناسٍ على الدنيا كبارٍ علومها = ما ينعرف عذّالها من مشيرها
زمرة ردى زمرة جهل في حياتها = إليا أخمدت فتنه تقوم وتثيرها
يا جعلها تفدى محمد أبو الوفا = شيخ المراجل كلبوها وأميرها
محمد ابن مريف خوّته مكسبي = ابن الشيوخ اللي تنومس خشيرها
آلاد ابن ودعان كسّابة الثنا = اللي ودة من هدم جدرٍ قصيرها
آلاد ودعانٍ هل الطيب والصخا = غطّا على خير الرياجيل خيرها
آلاد ودعانٍ إلى ثارت العدا = اسيوفهم بنحور الأعدا جفيرها
والطيب الأول له رجالٍ تجدّده = صغيرها ينهج مناهج كبيرها
عز الله اني كاسبٍ خوة الذي = دايم بأمام القوم ماهوب أخيرها
الله يطوّل في حياته ويحفظه = عشان يبقى للكرامة عشيرها
قصيدةٍ غنيتها من مشاعري = أبيات يكفي قلّها عن كثيرها

أخوكم متحري الصدق