::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   قصيدة موجهه إلى الشيخ ضاري بن سعد الحطيم (http://alduwaser.org/vb/showthread.php?t=27208)

ابو البدرين الحطيم 27-03-2008 07:28 PM

قصيدة موجهه إلى الشيخ ضاري بن سعد الحطيم
 
بسم الله والصلاة على اشرف خلق الله محمد بن عبدالله صلوات الله وسلامه علية



قصيدة موجهه إلى الشيخ ضاري بن سعد الحطيم
بـسـم الإلـه اللي خـلـق انـسٍ وجـان = بـســمـه تـعــالى جــل رب الـسـمـــاوات
بشرع القصيد وشرع ابداع الاوزان = فــكـري شـرع مـبـداه في نـسـج الابيات
انشا القصيد استرسـل الـفـكـر هتـان = وامطر سـحـابـه والمـشـاعـر غـزيــرات
كتبـت شـعـرٍ من احـاسيـس وجــدان = مـن شاعــرٍ مـا اخـتـار غيـر الجـزيـلات
القاف مثل البيت لـه سـاس واركـان = وانــا بنـيـتـه لأجــل يــرقــا الـطــويـلات
كتبت شعـر المدح والشعــر نـيشـان = صبت الهـدف ما اخطيت بالقاف شارات
المـدح مـا يستـاهـله غــير مـن كان = فـــيـه الـمـراجـل والـخـصـال الـوفــيـات
مـثـل الـذي قــرم ولـه عـنـدنـا شـان = ضــاري وضــاري مـا تكـفـيـه صفـحات
فـخـر القبيلـه مثـل ضـاري كـحيـلان = عـنــد الــــدواســر ضــاريٍ لـلـمـهـمـات
فيه المراجل وسـط عـرقٍ وشـريـان= تـمـشي بـدمـه واثـبـت الـعـلــم بـاثـبـات
ربـاه عــود مـاخــذن فــعــل جــدان = لاهـو غــريـب الـيـا رقــو فـوق هـامات
طيب الخوال ومنبـع الـطـيب عـمـان = مـجـنـى الـمـكـارم والـوفـا والـمـلـمــات
لـه لابتـن في صفـحت الفخر عنوان = اهــل الـوفـا تــاريـخ مــجـد الـبـطـولات
لاد الغـيـيـثي والمـلا شـاهـد اعـيـان = بـاهــل الـثـمـان الـي تـخـص الغـيـيثـات
قـول وفـعـل يـثـبـت الـقـول مــيــدان = تــشـهـد تــواريـخه عــلى مـاضيٍ فـات
ربعي هـل الطولات بالفـعل شجـعـان = عـصر مـضى يـوم الـزمن فـيه غــارات
لاد الغـيـيثي مـرخـصـة غالي اثـمان =اهــل الـكــرم اهــل الـشـيــم والـمـروات
فـخـرٍ يـنـومـسـنا ولا عـنـه نـسـيـان = يـابـن الـحـطـيم الـفـخـر ما عنه سجـات
هـذا قـصـيد المـدح في ضــاريٍ زان = نـفـخـر بـمـدحـه جـعـل عـمـره مـسرات
والـرابـح الي للـنـوامـيـس كــسبــان = لـه في الـمـراجل والـصـعـيبـات وقفـات
والـخاتمـه واعـداد قـطرات الامـزان = صـلـوا عـلى الـمخـتـار في كـل الاوقـات
للشاعر:الصييفي بن حمد بن ضويحي الهواشله

الزين 27-03-2008 09:39 PM

رد: قصيدة موجهه إلى الشيخ ضاري بن سعد الحطيم
 
له لابتن في صفحت الفخر عنوان= اهل الوفا تاريـخ مجـد البطـولات
لاد الغييثي والملا شاهد اعيان =باهـل الثمـان الـي تخـص الغييثـات
قول وفعل يثبت القول ميدان =تشهـد تواريخـه علـى ماضـيٍ فـات
ربعي هل الطولات بالفعل شجعان= عصر مضى يوم الزمن فيه غارات
لاد الغييثي مرخصة غالي اثمان =اهل الكرم اهـل الشيـم والمـروات


تسلم يمينك علي النقل وصــــــــــــــــح لسان شاعرهـــــــــــــــا

علي القصيـــــــــــــــــده الطيبـــــــــــــه

ابو زيد الغييثي 29-03-2008 07:35 PM

رد: قصيدة موجهه إلى الشيخ ضاري بن سعد الحطيم
 
لاهنــــت يا بو البدرين على نقل هذه الابيات

والشيــخ / ضاري بن سعــد الحطيم


يستاهل المدح في كل وقت وفي كل حين

وصح اللسان / الصييفي بن حمد بن ضويحي الهواشله

وأعذرني على النتسيق


أخوكـ / ابو زيـــد

سالم بن صمهود 29-03-2008 10:21 PM

رد: قصيدة موجهه إلى الشيخ ضاري بن سعد الحطيم
 
صح الله لسان الشاعر والشيخ ضاري يستاهل اكثر ولاهنت يابو البدرين على النقل الطيب

العماني 30-03-2008 03:42 AM

رد: قصيدة موجهه إلى الشيخ ضاري بن سعد الحطيم
 
صح الله لسان الشاعر الضويحي الهواشله

ويستاهل الأمير ضاري بن سعد ال الحطيم حفظه الله ، امير ابن امير ومن سلالة طيبه واسرة كريمه لها من الأمجاد والمكارم المـتأصله من الماضي ومستمره الى الحاضر.

والله يجعله ذخر للدواسر كلهم .

ولاهنت يابوالبدرين على نقل القصيده وبيض الله وجهك يالقرم

تقبل تحياتي،،

يحيى الودعاني 07-05-2008 03:21 PM

رد: قصيدة موجهه إلى الشيخ ضاري بن سعد الحطيم
 
صح لسان الشاعر

و بيض الله وجهك لاهنت

شافي القويسي المخاريم 07-05-2008 05:45 PM

رد: قصيدة موجهه إلى الشيخ ضاري بن سعد الحطيم
 
صح لسان الشاعر الصييفي ال مانع الهواشله

شاعر مبدع



و يستاهل الامير ضاري الحطيم المدح

ولا هنت يا ابو البدرين

تقبل تحياتي الكريمه

مبارك الغييثي 05-01-2010 10:09 PM

رد: قصيدة موجهه إلى الشيخ ضاري بن سعد الحطيم
 
يستاهل أبوسعد ولاهنت يبو بندر

ناصر بن فهد 25-01-2010 12:53 AM

رد: قصيدة موجهه إلى الشيخ ضاري بن سعد الحطيم
 
.
.

صحُ لسانك.. وصح لسان الشاعرٌ

ويستاهل الشيخ:ضآرٍي بنٌ سعد آلحطيمٌ..
وتقبل موروريٌ


الساعة الآن 03:47 PM

Powered by vBulletin® Copyright ©2000 - 2025, Jelsoft Enterprises Ltd.
---