|
الغزل ماقد رفع من قيمة رجال ٍ عوالي !!
السلام عليكم ورحمة الله وبركاته ,, ها انا اعود إليكم بالجديد من القصائد النبطيّه !! راجياً ان تنال على رضائكم واستحسانكم ,,
الغزل ماقد رفـع مـن قيمـة رجال(ن) عوالي !!=مايغير من طباع الواحدي مـن ذا وغيـره الشعر ماله فوايد لانقص حبـك وجمالـي=الجمال ان الشعر يجيب جزلات(ن) كبيـره يارجل لا تحسّب الأشعـار تلفيق وتسالـي=الشعر مهنه وحرفة شاعر(ن) يقـدر يديـره ياترى هل من جوابن في قصيدي كالتوالـي=من تطلّع في الجزايل شاف جزلات(ن) كثيـره مايبون ( اللي برز ) يطلع ويسري ما يبالـي=الشعر يرسي ولو حاولت ما تقدر تجيره عاش من يكتب سمان وصد عن كل الهزالـي=الحكم تحبك ليا سبكت مشاعر فـي مسيـره من تلاعب في الشعر حسيبه الله ذي الجلالي=ومن كتب خير ٍ يزيد الي كتب رصيد خيره !! التزم بالخير واكثر منه ياولد الحلالـي=جعلنا واياك في درب السعاده والسفيره ياكلامي واختمه بالفايـده لا مـن تشالـي=الشعر يبقى شعر مهما تغيّـر في تعبيـره قلتها والقول جابه من عرف درب المنالـي=وادعي الله ياعسى دربي سداد(ن) في مصيـره وسلامتكم يالربع ,, اخوكم / محمد عبدالله الدوسري :) |
رد: الغزل ماقد رفع من قيمة رجال ٍ عوالي !!
:14: :14: :14: :14: شووف أنا أول واحد يرد على قصيدتك هههههه قايل لك وانت ماغيرك حبيبي هههه وين بترووح مني يابوعبدالله :17: .. أخووي الغالي ( الشاعر / محمد بن عبدالله - ابن دوسر ) صح الله لسانك وانت دووم مبدع .. قصيده رائعه من اولها لتاليها.. وإلـــى الأمام يابوعبدالله.. وتقبل تحياتي،، |
رد: الغزل ماقد رفع من قيمة رجال ٍ عوالي !!
صح لسانك يابن دوسر
القصيدة اعجتني وجذبتني لحد ماقريتها 4 مرات وكل مرة اكتشف انها احلى من الي قبلها.. والي علق ببالي سؤال .. القصيدة موجهة واكيد لها سالفة .. هل انت من معارضي التغزل بالشعر او مقصدك الاكثار منه .. لعلي اسأت فهم القصيدة ولكن ماني مستحي من شاعر كبير مثلك وابي اتعلم منه والعلم مايناله مستحي ولا متكبر وتقبل وجودي ولو كان ثقيل |
رد: الغزل ماقد رفع من قيمة رجال ٍ عوالي !!
|
رد: الغزل ماقد رفع من قيمة رجال ٍ عوالي !!
اقتباس:
دااام حبك واحبك الله يالغالي .. صح بدنك كلّه ولا تهون ,, ماعليك زود يابو صقر ,, لك كل الشكر .. يعطيك العااافيه ,, لا عدمناااك !! واذكر ان مرورك الاول وردك الاول يضيف للقصيدة او الموضوع نور ويجعلها اجمل ,, لا هنت :) |
رد: الغزل ماقد رفع من قيمة رجال ٍ عوالي !!
اقتباس:
تسلم يالغالي ,, وهذا من طيب اصلك ومجناك ,, القصيدة موجهه لكل من تعمق في الغزل الحرام !!! الغزل البسيط لا بأس به , وما حرّمه الرسول هو ما اقصد !! اما مثل قصيدتي السابقه "كان بالدنيا حبايب .. فانت ماغيرك حبيبي" هذي مابها شيء .. كما قال احد المشائخ .. :) وفي الاخير ,, الغزل لا يأتي بفائده ابداً ,, ولن يشهد عليك يوم القيامه !!! فأتمنى اني قد اوصلت المعلومه .. وهذا ولا اكثر !! لا هنت وماعليك زود ,, ومرورك يسعدني كثيراً ,, لا عدمنااااااك يالذيب .. :) |
رد: الغزل ماقد رفع من قيمة رجال ٍ عوالي !!
صح السسانكـ
ولاهنت على هذه الكلمات يا القرم بيض الله وجهكـَ دمت بكل خير .. لكـَ سلامي وتقديري .. دمت بود |
رد: الغزل ماقد رفع من قيمة رجال ٍ عوالي !!
اقتباس:
لا عدمنا تواجدك الدائم في مواضيعي !! وابشري باللي يسرك ,, ياهلا :) |
رد: الغزل ماقد رفع من قيمة رجال ٍ عوالي !!
صح لسانك يابن دوسر
قصيده جميله وجزله .. تقبل مروري.. |
رد: الغزل ماقد رفع من قيمة رجال ٍ عوالي !!
اقتباس:
(أبن دوسر) شاعرنا القدير صح لسانك وبيض الله وجهك ياذيب والله يابو عبدالله تمعنت في قصيدتك جيدا ولقيت كل بيت أحلى من الآخر قصيده ذات معنى قوي تسلم يمينك عليها ياغالي.. تقبل أعجابي.. |
رد: الغزل ماقد رفع من قيمة رجال ٍ عوالي !!
اقتباس:
تسلم والله على الرد والمرور ,, ووجهك ابيص ولا عليك زود ,, يعطيك العافيه يالقرم ,, مشكور :) |
رد: الغزل ماقد رفع من قيمة رجال ٍ عوالي !!
اقتباس:
يعطيك العافيه على المرور الرائع ,, لا عدمتك ياخالد .. لا هنت ! |
رد: الغزل ماقد رفع من قيمة رجال ٍ عوالي !!
اقتباس:
عز الله ان قصايدك وافيه وجزله يالشاعر المخضرم !! صح بدنك كلّه ,, وعساه عاجبتك ! واعجابك بالقصيدة يسعدني !! تسلم تسلم يالغريري ,, وهذا من طيب اصلك ومجناك .. لا هنت :) لك جزيل الشكر ياخوي !! |
رد: الغزل ماقد رفع من قيمة رجال ٍ عوالي !!
اقتباس:
احد المشائح اطلع على قصيدتك السابقه( فانت ماغيرك حبيبي) وقال مافيها شي . من هو الشيخ ؟ |
رد: الغزل ماقد رفع من قيمة رجال ٍ عوالي !!
اقتباس:
كانت تعرفه !! .. يعطيك العافيه ولا هنت ! اعيد واكرر : الغزل منه فاضح ومنه بسيط !! وماكنت اتكلم عنه في هذه القصيدة (الفاضح) !! وطبعاً .. في كلا الثنتين لا يرفع من قيمة الشخص !! وشكراً لكم :) |
الساعة الآن 09:05 AM
 |
Powered by vBulletin® Copyright ©2000 - 2025, Jelsoft Enterprises Ltd.
---