الزمان اللي سحابـة من القبلة نشــا =عـايفه قلبي ولو كان يمطـــر لي حلــيب
خمس وأربـع مع ثمانً وبرقه مرهشا = وعقبها ما سال بطن الشعـيب إلا جذيـــب
سبعةعـشر عام غاش على قلبي غـشا = وأثرني عايـش على أوهام وأحلم تخــيب
لين دار الـــوقت دور المحـالــة بالرشــا=وأنتبهت وقمت من غفلتي جرحي عطيب
كل كل جرحن في حياتي لشيـته وألتشا =عـــارفن طبــــه واداويــة وألقاله طبيب
بس جرحي ذا السنة طايش طيش وطشا=ويش أسوي به وهو مستحيل أنه يطيب
يستشم الجرح ويطيــب من واش وشـــا =بس كيف يطيب لا سـار غيبة مستـغيب
ماله إلا البعــد لاصرت تخجل وأتــخـشــا = صـدتي عن شوفة الاش والله ماتعيب
وأقطع الفرجا لو كان حالي مارتشى= راس مالــــي ماتعشيت لـــو خاويت ذيــــب
مابــــغي الا موتري بس من عقب الــعـشا =يشتغل وارد زمانــة من اليـــابان جيب
بيج ليا مني شغلت سلفه على كيفي مـشا =هو صحيبي كان باقي على الـدنيا صحيب
لا عطيــــته ريــز لف ونعشني وانـتــشـا = وارتفع تاجه بصدر وقال أرسل وأجيب
ماحلــــى المسرى بليلــة ظلامه ودغــشـا =لو بدار الغـرب وبعيد عن دار الحبيب
لـيلـة نـامن ولـيلـة مع الـخـوف وحــشــــا = ودار نــبـعــده ودار نــخـلـيـهـــا قريب
نقـطع الفرجــا ولعـيـون ضامـرة الحـشـا = في ظلام الليل الأســود نغـامر مانهـيب
نــدرك الأسبــاب والله يفـعــل مــأيــشـــــا = كاتب الأجال والرزق عنده والنصيــب

لين دار الوقـت دور المحالـة بالرشـا=
كل كل جرحن في حياتي لشيته وألتشـا=
بس جرحي ذا السنة طايش طيش وطشا=

المشاركة الأصلية كتبت بواسطة الواضح مشكور يالشرافي على النقل المتميز وليتك تقنع دهيمان كانك تعرفه بالمحاوره فهو شاعر ظررررررريف بالمره

المشاركة الأصلية كتبت بواسطة الساري اخوي الشرافي مشكور على النقل الموفق والشاعر الكبير دهيمان معروف وغني عن التعريف الله يبيض وجهك ولاتحرمنا من الجديد

المشاركة الأصلية كتبت بواسطة ابو زابن اخوي الشرافي مشكور على النقل الموفق والشاعر الكبير دهيمان معروف وغني عن التعريف الله يبيض وجهك ولاتحرمنا من الجديد تحياتي اخوك