|
وينك يالمسعري
السلام عليكم ورحمة الله وبركاته وبعد أخواني عند رغبة أخوي المسعري بإجراء محاوره سوف أبتديها الليله وأنا لست بشاعر محاوره لكن سوف أجرب إستلم يالمسعري الله لايهينك
سلام الله عليكم جيتكم فـي حـزة الرحمـن=على طيب الوفا وأهل المعاني فـي معانيهـا عيوني تلمحك يا المسعري يا معرب الجدَان=عساك تقوم والسفن الوثيقه فـي موانيهـا |
أررررحبو ياقبايل
أررررحبوا يارجااااال .
أخوي دغش البطي & المسعري : أنا معكم وماسك الصف والشباب جايين في الطريق ولا وراهم دوام ولا شي ، أبشروا بالسعد ، الله الله بس فالقصيد الطيب والصف لا تنشدون منه. |
بيض الله وجهك يادغش البطي دائمأأأأأأأأأ مبدع
وفي انتظار الشاعر المبدع المسعري |
مرحباًً الف والله الساعة المباركه ياطويل العمر والقلب على القلب شاهد
يدوم ابك البقا ياصاحبي يامعرب السيسان=سلايل حر من حراً معربةً مجانيها وقفنا فالزوم بوقفتاً تعرف بها العربان=وقوف رجال ضد رجال خطلاناً يمانيها |
أبو عبدالمحسن
مرحب يبقى تسلم جعلك ذخر والله الله في الصفوف وأبشر بكل علمٍ طيب تحياتي لك أخوك دغش البطي |
تركي الودعاني لاهنت يالذيب على المرور والتشجيع المسعري هلابك ياسنايدي إستلم طال عمرك :
ألا يامرحباً ترحيبةٍ بالورد والريحان=ألآيامرحباً ياعزوةٍ تعرف بأساميها يقولون الجزيله ياعميلي سوقها ربحـان=عسى ربـي يجملنـا ويكفينـا بلاويهـا |
مرحبا واستلم
توكلنا على الله والله اللي يرزق الانسان=خلق الانسان من لاشي والاموات يحييها نبي هالليل ليلاً ياعميلي يطرب العمسان=تقدم وانت يالمشرف دليلا في غداريها |
مرحبا وإستلم طال عمرك
أبسوق الركايب مير شد الحيل ياذيبان=وأبرفع راية التوحيد للي جاهلٍ فيها ترى الغبه غزيزه والبحر في وسطه الحيتان=يقولون الزمان أقشر عباد الله مشقيها |
وين الصفوف ووين المتابعين الظاهر مافيه إلأ أنا وأنت يالمسعري لكن شد حزامك عاطر التحايا |
بيض الله وجيهكم واصلوا ياشعار واحنا معاكم وزهلوا الصفوف
أبسوق الركايب مير شـد الحيـل ياذيبـان=وأبرفع راية التوحيـد للـي جاهـلٍ فيهـا ترى الغبه غزيزه والبحر في وسطه الحيتان=يقولون الزمان أقشـر عبـاد الله مشقيهـا |
حاضرين
شدوا حيلكم ترانا معكم متابعين ، حتى لو رحنا يسار ولا يمين
الصفووووووووووووووف ياشباااااااااااااااااااب |
تركي الودعاني وأبوعبدالمحسن المسعري لاعدمتكم على كل حال جعلكم في الوجود يالمطاليق وبيض الله وجيهكم تحياتي للجميع محبكم : دغش البطي |
الأ خوة الشعراء
دغــــش البطي المسعري واصلوا وازهلوا الصفوف فديتكم |
الواضح ألف شكر على المرور والمتابعه والتشجيع والشكر لمن مر من هنا عاطر التحايا دغش البطي |
حيالله الصفوف واستلم طال عمرك
ابسوق المعاني سوق لين اروي بها الضميان=وابرفع روس مرفوعه وبعض الروس اوطيها انا ماهر على فن السباحه في خليج عمان=وكم عيناً تسبب في عماها من يداويها |
الساعة الآن 09:30 PM
 |
Powered by vBulletin® Copyright ©2000 - 2025, Jelsoft Enterprises Ltd.
---