ياشبه وضحا مع ابن قويد=شيخ الدواسر هل الوادي

أنّا هل الهجـن ماحنّـا هـل رادي=ولا باهل تلفـزون وننتظـر فيهـا
انّا هل الحرب يوم الجيش ينقـادي=نبغى جهاد الكفـر بالقتـل بنفيهـا
النار شبّت ونـار الحـرب وقّـادي=وانّا على حالهـا وانّـا نصاليهـا
لامن ركزنا الوعد في يوم ميعـادي=جاتك طـرار ترافـا يـوم داعيهـا
من فوق حيلٍ عليها غازي عـادي=ندرس عليها السبـب والله يقدّيهـا
لامن ظهرنا على البل قمت أنا انادي=ياهل المراجل ترانا اليـوم بنفيهـا
غرنا عليهم وجا يومٍ بـه طـرادي=ورجنا بهم والجنب وافرٍا سهم فيها
كم طاح من ظربهم من ميت غادي=على ثر البل تخلـي جثتـه فيهـا
الضبع يشبع ونادي الذيب جـلادي=على الجنايز وحط المرجلـه فيهـا
نقسم على القوم ضمد أوهي فرادي=على النشامى وقسمي وافي ٍفيهـا

الامير/ شيبان بن قويد

وان قلّت الحيلة وعمّت iiلشاوير=زيزومها (ابن قويد) يظهر خبرها
واخص انا (مرّان) شوق iiالغنادير=اللي بنى العليا ونفسه iiعمرها

الشيخ (ابو زابن) له عزوم وفعول=فعله ينومس والقبايل iiشهودي
هذا نقل حمله وهذاك مكفول=ومن لاذ به يلقى الفرج iiوالسعودي
كم سجين حط من دونه iiقفول=ثم أطلقه من محكمات iiالقيودي
جاهه وفعله ماهو بمجهول=شيخٍ يحل محكمات iiالعقودي

بديت ابذكر الرب حي ٍ iiوقيوم=اللي لنا سخّر جميل iiالوسايل
امهيّض ٍ اللي قافه iiعلوم=اعلوم الشيخ (مرّان) راعي الجمايل
فسلام يا (مرّان) شيخ ٍ iiوزيزوم=اعداد ماتنشي مزون iiالمخايل
واعداد مانشى السحايب من iiغيوم=واعداد ما هل المطر بالهمايل

الله أكبر لا إله الا iiالله=خالق جميع الكاينات iiورقيبها
والحمد للة مبتدا خطبه iiالنبي=أخير وأفضل كلمه ابتدي iiبها
صلواعلى خير البرايا iiمحمد=المصطفى الي سنته iiنقتديبها
فإذا ذكرتوا فالق الحب iiوالنوى=تسمعوا لبيات شعر iiبجيبها
أبيات من عذب المثايل iiنقيتها=ونزهتها من كل نقداً iiيعيبها
اهديبها مني سلام iiوتحيتي=لمعرّب الأنساب لاصل iiعريبها
اطيب من الريحان وأصل من العسل=وألذ من در الخلايا حليبها
تهدا إلى ابن قويد شيخ آل iiزايد=(مرّان) ياشيخ الدواسر iiحبيبها
بعد السلام انخاك من شان iiحاجتي=صعبت علي لعلّك لنا iiتجيبها
انا بن راجح وآل عاطف iiقبيلتي=ومن قحطان عز من يستمي بها
وانا بدار قاصرات iiحقوقها=من كل الاشياء مالحقها iiنصيبها
شرق الحصاتين وشمال من iiالركا=هجرة برودان المسمى iiشعيبها
من المدارس حقنا ماحصل iiلنا=وعيالنا ضلم الجهل iiبيغديبها
والعلم نور والجهل ظلمة iiالدجى=غدراً يضي حياتها من iiمشيبها
ومريضنا نكويه بالنار iiطبنا=نزيد له من حر حامي iiلهيبها
والماء هماج شربة الماء iiتضرنا=يغلى مشراها ويصعب المجي iiبها
والطرق تمهدها الحكومة iiلغيرنا=ودروبنا تصعب على من مشي بها
انت الذي عسرالمشاكل iiتحلها=وانت الذي ترمي هدفك وتصيبها
كلمتك تفتحلك طريقٍ مع iiالوعر=وعزمك يقص لك في الصفاء من صليبها
ولك هيبةٍ عظما وحشمتك iiمثلها=وجاهٍ عزيزاً طيب ينبدي iiبها
عسى بجاهك تكتمل لي iiمطالبي=قل تم يانمر السبايا iiوذيبها
قل تم تمت لك من اللة iiمطالبك=وبخل الرجال بجاهها ساس iiعيبها
جينا نبي جاهك على مكسب iiالشرف=وتكرم عن ادروب الدنس ما iiتجيبها
وتكفى( يبو زابن) ترى اللوم iiلحقني=من المواطن والبعيد iiوقريبها
وتكفى( يبو زابن )تعبت وزبنتكم=بحقوقنا اللي عجز فيها iiطليبها
وتكفى (يبو زابن) نصيناك iiفحتسب=للمرجله وخذ من الاريا iiمصيبه

يا اللبيب اكتب وراجع ودقق بالكتاب=من بيوت ٍ بالمواجيب تقضي نوبها
المعاني حضّرت من عقب طول iiالغياب= والمشاعر تصطلي والهجوس iiتلوبها
قمت اراجع واتخير نوادرها iiالعذاب=مقصدي تعجب هل العرف لا iiغنوبها
الفخر للمنتدى في عزيزين iiالجناب=والقيادة عند اهلها تجدد ثوبها
عند شيخ من شيوخ يهدون الصعاب=عند ((ابو زابن)) سعد عينها iiوعجوبها
قادها ابن قويد ((مرّان)) حلال iiالصعاب=شيخنا لامن شيوخ العرب مارو iiابها
شيخته من شبته بالجزاله لين iiشاب=قايد ٍ للدوسري شرقها iiوغروبها
شيخته ماهي بالختم ولا iiالانتخاب=ينقل ثقال المعاني اليا iiبحلوبها
بالكرم والحلم والعرف مع لين الجناب=وجاه ٍ مقدر وفزعاتٍ iiبماجوبها
من سلايل مروية باللقا علط iiالحراب=محتمين الطايلة لا انتخى مندوبها
الشيوخ اللي تحسب العرب لهم iiالحساب=شيخة ٍ وسط الميادين ماهي iiدوبها
في قيادة مقدمة الجيش مانعت iiالعقاب=الشيوخ اللي تعنى الهداوي iiصوبها
انشد التاريخ يعطيك ماكود iiالجواب=في صدارة صفحته يومهم حلوا iiبها
من صغار فعالهم يوم بالملح iiاشتباب=كسرة الحكام لا جا الزعل iiمندوبها
في دكاك (المعتلى) يوم نور الشمس iiغاب=من محاذيف الرمك كل ما iiردوبها
رعدها النقريز والبرق منقوش iiالنصاب=وسيلها الدم الحمر والعجاج iiنصوبها
فوق قب ٍ ضريّت بالملاقا ما iiتهاب=من كثر ما هم على المعركة وردوا iiبها
في زمان فيه للخيل ورده iiوانقلاب=وردوا الريشة اللي يذكر جوبها
لين عز معزي الدين والشيطان iiخاب=وخمدت نار الفتن وانطفى iiشبوبها
واسمحلوا لي يالنشاما قبل ختم iiالجواب=برفع بيضا اللواهق لمن فازوا iiبها
بيض الله وجه من قام في حفظ iiالآداب=وحفظ تاريخ القبيلة و حفظ iiحروبها
المدايح (( بالعماني)) مضاربها iiصواب=تفتخر فيه الادارة ومن قاموا بها
مارث جزال العطايا واهل عوص الركاب=الثمان اللي ثنوا دونها واقفوا iiبها
والسلام ختام والشعر له منهج iiوباب=سجلوها يالنشاما علي واحكوا بها