|
نصيحة شاعر لشايب
هذا الشايب عمره تقريبا سبعين سنه وأراد الزواج من امرأة أخرى صغيرة السن
وكان له صديق شاعر فاستشاره في الزواج فقال له الشاعر لا تتوهق تراك شهر شهرين ثم تتوهق كل يوم عند طبيب عربي أبي عسل أبي قرايه، إن كان فيك زود نشاط خله للمسجد لا عمره ،،،، خويه الشاعر قال هذه الأبيات كنصيحة له
ياطير شلوى خذ نصيحة صحيبك = تقريب خمس أبيات جملة وترتيب ياشايب الرحمن ياكثر شيبك = قلبك شباب وراسك أبيض من الشيب قام يتبين للمزايين عيبك = لوأنك طلق حجاج مابك عذاريب عيبك كبر سنك معرقل نصيبك = مايقبلنك لونصبت الرعابيب واللي صغير سنها وش تبي بك = تبي ولد مزيون وأنته تقل ذيب الله يخلي لك رضيعة نسيبك = اللي ترحب بك إلى جيت ترحيب طع شورها واحفظ فلوسك بجيبك = وش لك بناس تمحنك بالمطاليب يفرض عليك شروط من غير طيبك = ويعذبونك بالطلبات تعذيب و إلى انتهيت وسلموالك حبيبك = وتم الفرح واستقبلوك المعازيب شدالرحل يا العود والله يثيبك = وأكبر خساره كان هودنق الهيب يومين والثالث يسرب سريبك = وتقوم كرعانك تطق العراقيب عود على الملك القديم وقليبك = عساك تقنع عقب فتل الأشانيب وإن كان ما طاوعت مانا طبيبك = قبلك ترى بصري جرى له عواقيب |
الله يعطيك العافية يا الواضح
على القصيدة الرائعة تحياتي لك |
أخوي سالم الغريري
مرورك اسعدني ولاخلا ولا عدم |
الله يعطيك العافية يا الواضح
وبيض الله وجهك |
أخوي تركي الودعاني
أسعدني مرورك وشرفني ردودك |
الواضح بيض الله وجهك ورحم الله شيبانك .......
وصح لسان شاعرها الحكيم ولسان ناقلها ......... لاعدمناااااااااااك يالقررررررررررم .... |
اخوي الفاضل الواضح بيض الله وجهك على هذي القصيده التى تمتاز بالعبر في طيتها وصح الله السان الشاعر على هذي الابيات الرائعه. اختيار موفق اخوي الواضح اخوك / فهد الغريري,,, |
أخوي الرفيدي
ووجهك أبيض أسعدني مرورك وتشريفك |
أخوي فــهــد الــغــريــري
ووجهك أبيض يا النشمي شرفني وأسعدني تصفحك وردودك |
الواضح
يعطيك العافيه على المشاركة الطيبة والتفاعل الجيد لكن لماذا يعتب على الشايب كان خلاه يتمتع في بقاياه سنينه اخوك في لله محمد الغريري |
أخوي مــحــمــد الــغريــري
أسعدني مرورك وتشريفك ماخلاه لأنه عارفه مثل ماقال الأولي التايه اللي جاب بصري يقنه = جدد جروح العود والعود قاضي |
اخوي الفاضل الواضح بيض الله وجهك على هذه القصيده التى تمتاز بالعبر والنصيحه في طياتها وصح الله السان الشاعر على هذي الابيات الرائعه. اختيار موفق اخوي الواضح لاعدمنا تواجدك يالقرم هنا وهناك عاطر التحايا محبك دغش |
أخوي دغــش الــبــطــي التحيه موصلةلجنابك و أسعدني وشرفني مرورك أمثالك أما أنا فهنا فقط لا هناك مشكوووووووور يا ذيبان |
...
الواضح بيّض الله وجهك يالذيب على هذه القصيدة الرائعة ، وتسلم على نقلها ولا تخلينا من أمثالها ، وعساك على القوة دائماً. |
أخوي / أبو عبدالمحسن المسعري
ووجهك أبيض ياذيبان وماسوينا ألا القليل والمنتدى يستاهل أكثر من أعضائه |
الساعة الآن 11:17 PM
 |
Powered by vBulletin® Copyright ©2000 - 2025, Jelsoft Enterprises Ltd.
---