ياهاجـــــس الاشــــعار يــوم أنفتح بــــاب =للشعر أبستدعي معانيه وأجيب
طــرايف هـــاضت وجــــاني لها أســـــباب= قريحتي فيهن وجن كلهن طيب
ومــن جــزلهن نقيت واخـــترت ما طاب =ورتبتهن في صفحة الفكر ترتيب
وسجـــلتهن في خـــــط يمناي بـــــكتاب =يوم أكملن عن كل نقص وعذاريب
بيــــوت تضمنها ثناء شـــكر واعــــــجاب =عقب السلام لحافظين المواجيب
أولاد غــــزي مــــن شــــباب وشــــــــياب =ربع من أولهم تربو على الطيب
وأخـــــص ريف الضيف فكاك الأ نشاب= سهل الجناب اللي به الظن ما يخيب
عــــون الرفيق وللخــــــوي غيث واجناب =له سيرة بيضاء بعيده عن العيب
عبدالعـــزيزاللي مـــــع أقراب وأصحاب =تنشر له البيضاء بروس المراقيب
مــن جـــاه مضيوم مـــن الوقت منصاب =يشفي قباله جرح من جاه ويطيب
ما جــاب حــــطه دون تــدقيق وحساب =من دون وجهه ياعسى أيامه أتطيب
في مجلــــس ماحــــال مـــــن دونه أبـواب =أمشرع يلقابه الضيف ترحيب
ضحكة أحجاجه عن بحر جوده أعراب =وعن فرحته للضيف فيها مناديب
الــواجبه مــــا حــــطـــها عـــنه مـــجناب =يوم الردي يحط دونه مجانيب
رفــــيق بالشـــدات فــي وجـــه الاصـــعاب =له وقفه ماله ورآها مطاليب
مايطـــلب إلا اللي لهــن صــــــار كســـــاب =ثنتين مادور سواهن مكاسيب
يـــوم الـــرفيق بحـــادثه طاح وأنصاب =يم الحجاز وجت عوافي وتجريب
لأصحـــــــابه الغالين عــــــريبن الأنساب =اللي لصاحبهم حزام ومقاضيب
تبين الغـــــــــزي على طول ماغاب =وهون عليه أمر على مثله اصعيب
قــــام أوقف له وقفه الحــــــــــر ماخاب= حتي العبد الله صفن المشاريب
وللناس مـــاني يأهـــل العرف سباب =ادخل على اللي يعلم السر والغيب
كــــل يـــروم الطــــــــيب لــو دونه أتعاب =مير البلا مأكل حظ له أيجيب
ونعــم الــــرفـيق اللــــــى ليا دار دولاب =أقدارها ما يختفي عنك ويغيب
هــــــــذا وانأ ماني مبالغ وكذاب =في مدح ابن غزي والأهداف تصويب
الشـــمس مايغطي على نورها حجاب =والصدق ما يحتاج بحث وتعقيب
تمت وعـــرق الطيب والأصل نجاب =قالوه قبلي من عصر نوح وشعيب
وأختامها صـــلوا عــــدد نبت الإعشاب =وعداد ما بالضيف هلو معازيب
عـــلى النبي الهاشمي خـــير من جاب =شرع من الله كل ما جابه أمصيب