سـرت في داخـلي لـوعـة غيـاب وهـاجـت العبرات= وبديـت ألمـلـم أنفاسي وعرفـت أن الغـلا مطـبـوع
تـذكـرت الـدروب الـلـي تـعـانـد خـطـوتـي بـسـكات= وأعـانـد كـل كـلمـاتـي وأقـول أن الحـكي ممـنـوع
يروع الصـمت وجـدانـي وأحـاول أكـتـم الـزفـرات=تعبت من السكوت اللي يعـيـش بداخـلي مـوجـوع
أبي أحـكـي أبي أشـكـي أبـتـكـلـم عـن الـلـوعــات=أبكتب لهفـة المشـتاق على وراق الوله بـدمـوع
أصيح وصيحتي خرسا ولاحـدن يسمع الصرخات=واعـزي بالهـوى قلبٍ حنـين الشـوق به مـدفـوع
على شانك سهـرت اللـيـل قمت أسـامر النجمات= أسـولـف للقـمر عنـك بصـوتٍ هـادي ومـسمـوع
على طيـفـك أجـاذب باقـي الـذكـرى مـع الـونـات= تـكـون بدنـيتي بـسمـة ،،، تـنـور دنـيتي بـشمـوع
على كـف القـدر أمشي ولا أدري تالي الخطوات=وأنا من حيـرتي أتـبـع زمـانٍ بـالـشـقـا مـزروع
رجعت بخـطوتي أحسب حسـابي بالهوى بالـذات=لقـيت أنتاجي الحاصل فتات من الوهم مجمـوع
ألا ياحـزن وش باقي لعـيـني من ذرى الدمعـات= يقولون الحـزن شاعـر وأنا أقول الغـلا مطبـوع