أيـامــنــا والـلـيـالــى كــــــم نـعـاتـبـهــا=شبنـا وشابـت وعفنـا بعـض الاحوالـى
تـاعــد مـواعـيـد والـجـاهــل مـصـدقـهـا=واللـى عـرف حدهـا مـن همهـا سـالـى
ان اقبـلـت يــوم مــا تصـفـى مشـاربـهـا=تقفـى وتقبـل ومـا دامـت عـلـى حـالـى
فـــى كــــل يــــوم تـوريـنــا عجـايـبـهـا=واليـوم الاول تـراه احسـن مـن التالـى
ايــــام فــــى غـلـبـهـا وايــــام نغـلـبـهـا=وايــام فيـهـا ســوى والـدهــر مـيـالـى
جـربـت الايــام ومـثـلـى مـــن يجـربـهـا=تجريـب عاقـل وذقــت الـمـر والحـالـى
نضـحـك مــع الـنـاس والدنـيـا نلاعبـهـا=ونمشى مع الفي طـوع حيـث مـا مالـى
كـــم مـــن عـلــوم وكـــم آداب نكسـبـهـا=والـشـعـر مـــازون مـثـقـال بمـثـقـالـى
أعـرف حـروف الهجـا بالرمـز واكتبـهـا=عاقـل ومجنـون حـاوى كـل الاشكـالـى
لـكــن حـظــى ردي والــــروح متـعـبـهـا=مـا فادنـى حسـن تأديـبـى مــع امثـالـى
ان جـيـت ابــى حـاجـة عــزّت مطالبـهـا=العفـو مـا واحــد فــى الـنـاس يـاوالـى
قـــوم الـــى جيـتـهـا رفـــت شـواربـهــا=بالضحـك وقلوبهـا فيهـا الــردى كـالـى
وقــوم الــى جيـتـهـا صـكــت حواجـبـهـا=وابدت لى البغض فـى مقفـاي واقبالـى
مــا كـنّـي الا مـســوّى حـــال مغضـبـهـا=والـكـلّ فــى عشـرتـه مـاكـر ودجّـالــى
يـا حـيـف تخـفـى امــور كـنـت حاسبـهـا=واللـى عـلـى بالـهـم كـلـه عـلـى بـالـى
الـجــار جـافــى وكـــم قـــوم مـحـاربـهـا=والاهل والاصحاب واللى دون والعالـى
والـروح وش عذرهـا فـى تـرك واجبـهـا=راح الحسب والنسب فى جمع الاموالى
نفسـى تـبـى الـعـزّ والحـاجـات تغصبـهـا=تـرمـى بـهـا بـيــن اجـاويــد وانـذالــى
الـمــال يـحـيـى رجـــال لا حـيــاة ابـهــا=كالسيـل يحيـى الهشيـم الدمـدم البـالـى
عـفـت المـنـازل وروحــى يــوم اجنّبـهـا=منـهـا غنيـمـه وعنـهـا البـعـد أولالــى
لا خيـر فـى ديــرة يشـقـى العـزيـز بـهـا=يمشـى مـع الـنّـاس فــى هــمّ واذلالــى
دار بـهــا الــخــوف دوم مــــا يغـايـبـهـا=والجـوع فيهـا ومعهـا بعـض الاحوالـى
جـوعــى سراحيـنـهـا شـبـعـى ثعـالـبـهـا=الـكـلـب والـهــر يـقــدم كـــل رابـالــى
عــزّ الفـتـى راس مـالـه مــن مكاسبـهـا=يـا مرتضـى الهـون لا عــزّ ولا مـالـى
دلّـلـت بـالـروح لـيـن ارخـصـت جانبـهـا=ونــا عتيـبـى عـريـب الـجـد والخـالـى
قــوم تــدوس الأفـاعـى مـــع عقـاربـهـا=ولـهـا عـزايـم تـهـدّ الـشـامـخ الـعـالـى
خـــلّ الـمـنـازل وقـــل لـلـبـيـن يـنـدبـهـا=يبـكـى عليـهـا بـدمـع الـعـيـن هـطّـالـى
لا تـعـمـر الــــدار والــقــالات تـخـربـهـا=بيـع الـرّدى بالخسـاره واشتـر الغـالـى
مــا ضـاقـت الارض وانـسـدّت مذاهبـهـا=فيـهـا الـسّـعـه والـمـراجـل والتفـتّـالـى
دار بـــــــدار وجـــيــــران نـقــاربــهــا=وأرض بـــأرض وأطــــلال بـاطـلالــى
والـنّـاس اجانـيـب لـيـن انــك تصاحبـهـا=تـكـون منـهـم كـمـا قـالــوا بالامـثـالـى
الارض لله نـمــشــى فـــــى مـنـاكـبـهــا=والله قـــــدر لــنـــا ارزاق وآجـــالـــى
حــــثّ الـمـطـايـا وشـرقـهــا وغـربـهــا=واقـطـع بـهـا كــل فـــجّ دارس خـالــى
واطـعـن نـحـور الفيـافـى فـــى ترايـبـهـا=وابعـد عـن الهـم تمسـى خالـي البـالـى
مـــن كـــل عـمـلـيّـة تـقـطــع بـراكـبـهـا=فــدافــد الـبـيــد درهـــــام وزرفــالـــى
تـبـعـدك عـــن دار قـــوم ودار تقـربـهـا=واختـر لنفسـك مـن المـنـزال منـزالـى
لــو مــت فـــى ديـــرة قـفــرا جوانـبـهـا=فيهـا لوطـي السبـاع الغـبـس مدهـالـى
اخـيــر مـــن ديـــرة يـجـفـاك صاحـبـهـا=كــم ذا الـجـفـا والتـجـافـى والتّـعـلالـى
دوس المخـاطـر و لا تخـشـى عواقـبـهـا=الـمـوت واحــد وبـعـد الـعــزّ يـجـلالـى
انّ الـمـنــايــا اذا مـــــــدت مـخـالـبــهــا=تـدرك لـو كنـت فـى جـو السمـا العالـى
مــا قــرّت الاســد فــى عـالـى مراقـبـهـا=تسعى علـى الـرزق مـا حنّـت للشبالـى
والشمـس فـى برجـهـا والغـيـم يحجبـهـا=تقفى وتقبـل لهـا فـى العـرش مجدالـى
رب السـمـاوات يــا مـحـصـى كواكـبـهـا=يا مجـرى السفـن فـى لجـات الاهوالـى
ضاقـت بـنـا الارض واشتـبـت شبايبـهـا=والغيـث محبـوس يـا معبـود يـا والــى
يالله مــــن مــزنـــة هــبـــت هـبـايـبـهـا=رعادهـا بـات الـه فـى البـحـر زلـزالـى
ريــح العـوالـى مــن المـنـشـا تجـاذبـهـا=جـذب الدلـي مـن جبـا مطويـة الجـالـى
ديـمـومـة سـبـلـت وارخــــت ذوايـبـهــا=وانـهـل منـهـا غـزيـر الـوبـل هـمـالـى
تسـقـى ديــار شـديــد الـوقــت حـاربـهـا=مـا عـاد فيهـا لبعـض الـنـاس منـزالـى
يـــا جـاهــل اسـمــع تمـاثـيـلا مـرتـبـهـا=فيـهـا معـانـى جمـيـع القـيـل والـقـالـى
مـثــل المحـابـيـب زادت فـــى قـوالـبـهـا=فى صرفها زايـده عـن قـرش واريالـى
يـــا رب تــوبــه وروحــــى لا تـعـذبـهـا=يـوم القيـامـه اذا مــا ضـاقـت اعمـالـى
وازكـى صــلاة عـلـى المخـتـار نوهبـهـا=شفيعـنـا يــوم حـشـر فـيــه الاهـوالــى