ياهاجسي حسب السلم والقوانين=غن المعاني في لزومك وهالحين
بقول بسم الله تفر الشياطين=سته على سته نظر سالم العين
الا يالمطيري حان تبيض الاوراق=وخلك جنوب ولد عينك شمالي
ليا صرت تاقف دون على ربعك ساق=ابسألك ياجعلك تجيب السوالي

وقفاتنا معروفه مابها شك=والباب قدامك ومفتوح ماصك
واشيب عينك لو ادك البناء دك=سته على.......
علومٍ لها وقفات وعلوم ماطاق=على روسكم همال وبل الخيالي
نبا نركب الطابوق سبعين طباق=ولا جاتك الوقفات ياهملالي

وقفاتكم وقت الشدايد كثيرة = وحنا هل الطالات روس الجزيرة
طحنت حبوبك في الرحى المستديرة= سته على .......
عسى الله يديم الستر ويديم الارزاق=عشان العرب تقعد تصيح وتلالي
ابا ابحث علومٍ ساكنه وسط الاعماق=عساها تسكت من يشد الرحالي

سلطان مالك في دروب الفشيلة=انشد وتلقا في الكتاب الوسيلة
يجر صوته في اللقا يا حليلة= سته على .......
توقع قبل لا علقك وسط معلاق=وتصبح ضحية بين صفر الدلالي
صحيبي رقد من نومته ما بعد فاق=لاكن شيل حملك في ظهور الجمالي

افعولنا مثل النجوم وسناها=ولا انت تدخل وجهها في قفاها
ترى الدواسر دوم تاسم عصاها=سته على سته.......
ليا صرت تقدر سوها قبل الاشراق=وكل الحظور شهود يابن الحلالي
وما دام لفعول التواريخ عشاق=ابجيبها من يوم جالي مجالي

افعولكم في الطبل والدق معروف=وانته على وقفتك وعيونك تشوف
تكتب لها بحروف وتمسح حروف=سته علـ.....
كشفتك من اللي للمطابيل وثاق=وهذي سواتك يا كريم السبالي
بعد شفتك مرسم وفي يدك مطراق=تهايط على بعض العرب بحتيالي

ريشتك قلي منهو اللي خذاها=يوم ان ليل الحرب تطحن رحاها
اشيوخكم ذبحت ولا حدن رثاها= سته على ............
ترى فعلنا بين المواليف براق=وصفق الهوى ما هز روس الجبالي
ليا صرت لفعول الرياجيل سراق=ليا جاك دورك تتقي في ظلالي

وا شيب عينك لو بغيت اتحداك=الزمك في الميدان واكتف ايداك
ما باقين الا توامي برجلاك=سته علـ.....
جذبني على لاماك ترحيب الاشوق=ولا ادري حرامٍ في الزمان او حلالي
تراني بعدها للمراقيب وياق=تبن لك خيمة وانسدح في الضلالي

عطنا الحقايق خل هرج الوراعين=عطني فعولك مع دليل وبراهين
بس النذالة فن درسٍ وتلقين= سته على ....
انا للمراجل دايم الدوم سباق=ولاكن اشوفك صار فيك اختلالي
ليا صرت حول البحر بيجيك الاغراق=تنوشك فعايل محتمين التوالي