|
الفارس حمد بن جابر ال حنزاب الملقب(حمر شعر)
http://dl025.zshare.net/download/262...07313/2222.JPG الشيخ والفارس حمد بن جابر ال حنزاب الملقب بحمر شعر الذي عبر بحر سلوى سابحا من جنوب منطقة دخان في قطر الى الساحل الغربي من بحر سلوى لينذر ال مرة من غزوا قبائل تجمعت ناوين قبيلة ال مرة فعندما حس بالخبر ضرب البحر لان هولاء الغزية بيكون طريقهم على العريق شرق المراكز الحدودية الان حتى يكفون البحر من جنوب سلوى ويحتاجون الى يومين حتى ياصلون ال مرة في دوحة حماه شمال غرب سلوى فوصل قبل الغزية بليلة وانذرهم بذلك وهذه احد قصائدة في فرسه عندما مرضت يالله يا اللي تدفع الشر والباس [/CENTER]يا اللي بخصات المخاليق داري سلم لنا اللي كنها ظبي الاطعاس ريمية جاها من النود ذاري يا سابقي الله يجيرك من الباس والله يجيرك من حياة العزاري ريمية ٍ جاها مع الصبح نسناس ريح المبندق تالي الليل ساري شقراً عليها عطفة الحبل ماقاس وذرعان ٍ ملحيات مثل المداري جليلة الحارك مربوعة الراس كنه براها تحت الاثفان باري نفرح أليا جانا من القفر عساس وهابو جميع البدو شرب الخباري بين المهمري والمثامن والاطعاس ومن كنهرى نرعى جنوب ٍ احداري نرتع أليا منه خنس كل خناس بحدب الظهور وناحلات المجاري واليا اعترض بنحورها قب الافراس واكمن بعضها والبقايا تشاري اركض مع ربع ٍ تحب التنوماس قطاعت ٍ في الحرب ماهي اداري وانا مع اولهم تقل شارب ٍ كاس لانيب من ذهني ولانيب داري انا وربعي للمتلين حراس أليا طفح بالخيل خطوات ضاري اردها لعيون مدقوق الالباس بحزة ٍ ماجا من الله مزاري افعولنا تذكر على كل مرواس تطلق لسان اللي بهلها تماري |
رد: الفارس حمد بن جابر ال حنزاب الملقب(حمر شعر)
صح السان الشاعر والفارس حمد بن جابر
ولاهنت ياابن حنزاب على طرحها تحياااااااااااااااااااااااتي |
رد: الفارس حمد بن جابر ال حنزاب الملقب(حمر شعر)
صح بدنك يا ابوفهد الغييثي ولا عليك زود ومشكور على المرور الطيب
|
رد: الفارس حمد بن جابر ال حنزاب الملقب(حمر شعر)
صح الله لسانك ياابن حنزاب وصح الله لسان الشاعر حمد بن جابر بن حنزاب آل عذبة والله ونعم ويامرحبا بك ياابن حنزاب وحياك الله في منتدياتنا العريقة وأهلا وسهلا بك ضيفا عزيزا على قبيلة الدواسر وتقبل مروري
|
رد: الفارس حمد بن جابر ال حنزاب الملقب(حمر شعر)
|
رد: الفارس حمد بن جابر ال حنزاب الملقب(حمر شعر)
ولاهنت يا محمد بن حمد الشكره واشكرك الشكر الجزيل على مرورك والمرحب باقي ودمتم بالعز ان شاء الله
|
رد: الفارس حمد بن جابر ال حنزاب الملقب(حمر شعر)
اخوي محمد الحراجين الله يعطيك العافية وماعليكم زود والله يبقيك ويسلمك
|
رد: الفارس حمد بن جابر ال حنزاب الملقب(حمر شعر)
ونعم بالفارس حمد ابن حنزاب
وبقبيلة ال مره العريقه الله يعافيك على الموضوع |
رد: الفارس حمد بن جابر ال حنزاب الملقب(حمر شعر)
في البداية يسرني ان ارحبك بك اخوي ابن حنزاب في محلك وبين ربعك في موقع الدواسر الرسمي ،وسعيدين بانضمامك لأسرة المنتدى ويامرحبا والله ومسهلا .
ونعم والله بصبيان آل مره بـ آل حنزاب الكرام . وبيض الله وجهك على ايراد هذه النبذة الجميله والقصيده للفارس المشهور (حمر شعر) حمد بن جابر ال حنزاب والذي كنت ابحث عنها منذ فترة وانت جابتها والله يبيض وجهك .وانا اتسأل عن سبب تلقيبه بـ(حمر شعر) . تقبل تحياتي،، |
رد: الفارس حمد بن جابر ال حنزاب الملقب(حمر شعر)
السلام عليكم ورحمة الله وبركاته,,
نايف الخييلي نعم بحالك ونعم بربعك( الدواسر) ووجهك ابيض ومشكور على هذا المرور الطيب |
رد: الفارس حمد بن جابر ال حنزاب الملقب(حمر شعر)
السلام عليكم ورحمة الله وبركاته ,,
اخوي هايف العماني والسبع الانعام و لاعليك زود ووجهك ابيض وشكرا بالنسبة لسوالك سبب التسمية بحمر شعر كان اخمر البشره وشعره احمر ولقبوه بحمر شعر وتقبل فائق التقدير,,, |
الساعة الآن 02:23 PM
 |
Powered by vBulletin® Copyright ©2000 - 2025, Jelsoft Enterprises Ltd.
---