بسم الله الرحمن الرحيم =
ما اقفى ضلام الليال وبان للفجر نور=وماغردت نايحات الورق بالحانها
وماهب ذاري نسيم وفاح ريح الزهور=ومالاح برق المزون وهل ودانها
يامرحبا بالنـيابـة عن طــويل الشــبور=اللي ذلول المراجل يرخي عنانها
الشيخ ظاري موطي راس كل مغرور=لاقلواهل العزاوي وارتفع شانها
شيخً الى كبرت القالات جــــاله حضور=يشتل عسرالحمول ان ثقلت اوزانها
شيـخً بنا للمراجـل شــامخات القصور=تعب لها في لساس وزان بنيانها
وبنالهـا من نوادرطــــيـب الفعل ســـور=وزرع جميل السجايـاوسط بستانها
ومن طيب راسه رفع صوته وصوته جهور=قال ارحبوفي ربوع الخرج واوطانها
وجوله رجال الدواسركل قرمً وقور=خطلان الايدي هل النخوة وفرسانها
كل ابلجً ينعرف ساعة تضيع الشعور=الى اختلط عجة الهيجاودخانها
قبيلة فالرخاولافاشدالعصور=من بادي الوقت والناموس عنوانها
قبيلة عزها المولى العزيزالشكور=المرجلة فعلهاوالدين ميزانها
في ضل حكمً على السنة يقص الظهور=وقيادة مارضينا غيرسلطانها
قيادة تمن الخايف وتحمى الثغور=لهم الولاءفي ضوء السنة وقراءنها
وحنالهم محزمً طول الدهرمايبور=وحناهل البيعة اللي ماحدً خانها
ماقلته ابحث عن الشهرة وحب الظهور=الا الحقايق تجلا لابدى شانها
وعزالله اني بذا الليلة سعيدً فخور=فيها النشامى حضوروغاب شيطانها
وصلوعلى من صدع بالحق من غارثور=شفيع نفس البنادم عند ديانها
سالم بن صمهود=

قبيلة فالرخاولافاشدالعصور=من بادي الوقت والناموس عنوانها
قبيلة عزها المولى العزيزالشكور=المرجلة فعلهاوالدين ميزانها

صح لسانك قصيده رائعه استمتعتنا بسماعها في حفل الدواسر بالخرج صح لسانك وعادتك الإبداع يابو فيصل

صــــــــــ لسانك ـح وبيض الله وجهك يابن صمهود على القصيده الطيبه