|
المرجلة ماهيب حبرن على طرس
السلام عليكم ورحمة الله وبركاته: قصيدة اعجبتني كلماتها فنقلتها لكم :- ياصاحبي لاتهرس السالفـه هـرس مركبـك يغـرق فالبحـر لودفعتـه كلن تعلم فـي حياتـه واخـذ درس الا انـت لوتلمـح سـرابٍ تبعتـه نابك لوانك تغرسه فالظهر غرس نزلت من قـدرك وقـدري رفعتـه لايغرك اني ممثـلٍ حالـة الخـرس اشوم عن بعض الحكـي لاسمعتـه مانيب من شرواك هايب ولاحـرس والعفو عنـدي شيمـه ليااستعطتـه للطيّبـه طيّـب وللعايلـه شــرس وجمعت مالافـي حياتـك جمعتـه المرجله ماهيب حبرٍعلـى طـرس ولاهيب فعـلٍ بالخيـال اصطنعتـه من دونها كنك تصالي رحى الفرس امـا سبعـك السبـع ولاسبعـتـه وانا اعتبرتك في حياتي وجع ضرس ولاارتحت لين اني سطيت وقلعتـه |
رد: المرجلة ماهيب حبرن على طرس
الله الله قصيده جميله اخوي راشد صح السانك ولسان راعيها
تقبل حبي وتقديري اخوك ولد ودعان |
رد: المرجلة ماهيب حبرن على طرس
اقتباس:
ولد ودعان ارحب يالقرم هلا والله وغلا وصح بدنك لا عدمتك تقبل ودي وتقديري ،،، |
رد: المرجلة ماهيب حبرن على طرس
رائعهههههه من رائع ,, سلمت ولا هنت على النقل المتميز وبارك الله فيك
قمة الأخلاق والترفع عندما يترفع الشخص عن الحاقدين والقاصرين : للطيّبـه طيّـب وللعايلـه شــرس وجمعت مالافـي حياتـك جمعتـه المرجله ماهيب حبرٍعلـى طـرس ولاهيب فعـلٍ بالخيـال اصطنعتـه |
رد: المرجلة ماهيب حبرن على طرس
لايغرك اني ممثـلٍ حالـة الخـرس=اشوم عن بعض الحكـي لاسمعتـه مانيب من شرواك هايب ولاحـرس=والعفو عنـدي شيمـه ليااستعطتـه للطيّبـه طيّـب وللعايلـه شــرس=وجمعت مالافـي حياتـك جمعتـه لاهنت على النقل الطيب وبيض الله وجهك ياخوي |
رد: المرجلة ماهيب حبرن على طرس
الله لايهينك يابو محسن على نقل القصيدة الرائعه
وبارك الله فيك تقبل تحياتي,, |
رد: المرجلة ماهيب حبرن على طرس
الطيب لا تشتغربه من هل الطيب
ابو محسن قصيدة جزله و وافيه صح الله لسان شاعره ولاهنت |
الساعة الآن 10:37 AM
 |
Powered by vBulletin® Copyright ©2000 - 2025, Jelsoft Enterprises Ltd.
---