|
قاعدة نظام الجهله .... الاذلاااال !
السلام عليكم ورحمة الله وبركاته بدون مقدماات وتلاعب بموسيقى المفرده وجمال العبارات لشد القارئ للكاتب اكثر من المضمون ... اقول بعفوويه مطلقه يعني مثل مااحكي على ربعي والجماعه :16: ههههههههه اكيد كل واحد منا راجع موظف او موظفه او اي دائره من الدوائر الحكوميه او مؤسسه او شركه خاصه على مختلف انشطتها, واكيد الكل منا جرب اسلوب (بعض) او اكثرية تعامل موظفين تلك الهيئات العامه او الخاصه معه . بالتاكيد وانا على يقين تاام بانك لو تكلمت مع اي موظف من ( البعض ) باسلوب فيه شموخ بنفسك وابتعدت عن الاستجداء والانحنا والتبعيه وذلك لثقتك بنفسك و بما تراجع من اجله ولم تخرج على قانون او نظام تلك المنشئه او الاداب العامه بالتعامل سيكون التعاامل معك مختلف جداً جداً ... ستوضع امامك مطباات و ستقابل باستفزاز او بتعالي وعدم مبالااه من الموظف تجاهك وباذلال و تهميش مصدره والسبب فيه بانك تكره الاستجداء وتكره التبعيه وتمقت سلطة القانون الغير شرعيه بايدي الجهله او ناقصين الثقه بانفسهم ومن شكلت فكره بيئة العنصريه الممجوجه التي حاربها ديننا الاسلامي الحنيف مع العلم بان القوانين والانظمه وضعت للتطبيق من منطلق موادها وفقراتها لا من خلال هيئة المراجع او اصله او لونه او جنسه وبغض النظر عن اي صفه او تمييز اخر. ان هذا الموظف الجاهل ... لن يرضى الا ان تمارس معه اسلوب (الشحاته) وبوس الايدي ((( ومطق )) الخشم :16: ههههههه واسلوب ياعمي وطال عمرك وجعلنا مانعدمك وتكفى ويرضي نقص بنفسه ! باذلااالك والسبب في ذلك بانك تحت سلطة قانون الجهله!! هنااا ... سؤال على لسان كل مرااجع لماذا الاذلاال وانا لم اخرج عن نص قانون او شريعة مشرع ولم ارتكب اي حماقه تنافي الاداب العاامه ؟؟ لماذا ايه الجهله ... بجميع مراكزكم اقصد بدهاليز جهلكم وعنصريتكم؟؟ الجهل كان بايام ابو جهل واليوم لاتفرحوا فستدور الدوائر باسرع مماتتصورون وتصبحون بخبر كان:( الذي سيكون مبتداها هو الفااعل والآآآآآآمر والناهي بدون ذل وبدون استجداء او انحنا خلص الهياااط ... ان جاز علقو وان ماجاز لكم اعتبروه كلام مراجع ماعليه حرج واذا فيه اضااافه فهذا تشريف لي وللمتصفح ودي لكم قبل احترامي |
رد: قاعدة نظام الجهله .... الاذلاااال !
يعطيك العافيه على الطرح القيم
عندي تعليق بسيط جدا وهو تطبيق (الدين المعامله )(وتبسمك في وجه اخيك صدقه ) كم من اناس منضبطين في مراجعاتهم ولاكن تنقصهم المعامله (وجه عابس ينظر الى الموظف من طرف عين وهناك من يسـتأجر له احد الاشخاص كأنه مسئول مرموق يفتح له الباب ويأخذ عنه الملف وغيره حتى يوحي للاخرين بأنه من عليًة القوم ودك تمشي الامور ببساطه جدا وهو معاملتهم بأريحية تامه وسؤالهم عن احوالهم والابتسامه قبل كل شيء والدعاء لهم وتآخذ منهم اللي تبيه اما غير هذا الامر فالله المستعان |
رد: قاعدة نظام الجهله .... الاذلاااال !
اكيد يالكنق انك كتبت الموضوع عقب مراجعه لك بإحد الدوائر الحكوميه :) وبكل صراحه كأنك تتكلم على لساني , فوالله انك تجي بعضهم فاذا لم تتوريهم نوع من الخضوع اللى يشابه خضوع العبد لعمه ممكن يلدد او مايتساعد معك بالمعلومات او يقولك وش الإجراءات اللى بتصير لمعاملتك , مع وضع بالاعتبار ان الناس يختلفون بشخصياتهم وطبايعهم , فالشخص ممكن ينظر انه لو تعامل مع هؤلاء الموظفين بتطلف او بالمصطلحات اللى فيها نوع من تعظيمهم إهانه لنفسه او لو تاملت المراجعين واسلوب الطرفين تشوف تعالي وشين انفوس !!! المفروض فيه تشديد او رقابه على الموظفين بهذي النقطه , بيجي شخص يقول هذي أخلاقهم وشخصياتهم فقول نعم بس خارج المؤسسه الحكومه فهم هنا يمثلون حكومه , مثل موظفين السنترال بالبنوك و شركات الاتصالات تشوف اخلاقهم وش زينها لان المكالمات مسجله ومراقبين فيها والا كان بتشوف تعامل ثاني , نفس الامر مع الموظفين اللى يكون عملهم مرتبط بالمراجعين سواً كانوا مواطنين او مقيمين زين لو نشوف محاسبه ومراقبه لتعاملهم مع مراجعيهم كان بنشوف المراجع يطلع من الدائره الحكوميه وهو مبسوط ولو ماأنتهت معاملته ,, أشكر ياكنق على الطرح الاكثر من رائع وتحياتي لك |
رد: قاعدة نظام الجهله .... الاذلاااال !
|
رد: قاعدة نظام الجهله .... الاذلاااال !
|
رد: قاعدة نظام الجهله .... الاذلاااال !
أرحب يالكنق والله ما تخلي السياسة هههههه يا خوي إنا كان رقمي في المشاركات مميز 2000 وكان بتوقف عن المشاركات عشان رقمي بس أنت عاد لك في النفس مكانه خاصة أضحي بكل شي عشانك وش أسوي ههههههههههه الموضوع في ديره وانأ في ديره :27: كنقووووو يا حبيبي والله إن الأسبوع فيك فيك تجيهم بأسلوب ولا بالعجراء وصدقني إذا جيتهم وأنت مسوي فاهم النظام ومسوي شديد بتنجز معاملتك ولا يروح فيها إلا الضعيف اللي كل ما جاهم قالوا له راجعنا بكره راح وجاهم بكره ويحسبونه توه جايهم اليوم وقالوا له تعال بعد أسبوع وعلى هذا الموال إلا متا ؟؟ لأكن الشديد والاقشر بيتكافون بالله في شره ويبون الفكه منه هههههه إذا قال راجعنا بكره قل له وين المعاملة فيه ومنهي عنده وين المدير واخذ الجوال يبدنك تكلم وحرك براطمك وأنت معصب وارجع له طوالي وسبب له قلق وازعاج وشوي من الشوشرة وقال كل ماجيكم راجعنا بكره وش ذا الكلام إنا جايكم من مكان بعيد ولأنيب طالع من هالمكتب إلا ومعي علم أنت بتعلمني بالزبده ولا رحت للمدير وبعدين لا جيت لا تسوي نفسك عجل هههههههه لاحد يفهمها خطا عجل يعني ( مستعجل ) عطه رقم المعاملة واجلس على الكرسي وخذ راحتك وخلك تراقبه مبقق عيونك فيه تشوف وش يسوي يعني مد أرقبتك يمه وعيونك نفيص وقل ما قاله ذاك الخبل ههههههههههه اللي هو انا :18: عساني صوب الموضوع ما خذيت منحا ثاني ولا طلعت من صميمه :d9: |
رد: قاعدة نظام الجهله .... الاذلاااال !
اقتباس:
هلا اقتباس:
انا قلت لم اخرج عن الاداب العامه والاداب العامه من ضمنها لاتشوف نفسك قدام خلق الله وبالنسبه لرايك عن اهل الوكاله بالمراجعه ذولا ماخذين حقهم وافي وكافي بتكشيرتهم وسطوتهم ومايحتاجون احد يدافع عنهم ولايحتاجون ردة فعل موظف! انا تكلمت عن الانساان البسيط فقط يعني اللي مثل حالتي وحالة غيري المراجعين يعني شلووون اتشقق:16: وامغط براطمي ونا ماني بحالة تشقاق حتى الضحك تبينه بالغصب حتى الضحك مكتوب علينا بالقووه عشاان موظف:29: عموماً رايك وهذا حقك ومكفول تؤيدين من منظور وعيك للامور واحترمك عليه مشكوره |
رد: قاعدة نظام الجهله .... الاذلاااال !
اقتباس:
هلاا نايف وش دراااك :29: المحاسبه برايي وحدها ماتكفي لان وسيلة العقاب لاتصلح عشرين ساعه خارج الدوام وهاالعشرين الساعه ماينفع معها عقااب الحجاج:17: ترجع لبيئة الموظف ومحيطه ووعيه والوعي حط تحتها عشرين خط لانها تؤثر عليه بشكل كبير تشرفت بالتوافق معك بماطرجت ناايف والارووع هالاضااافه ومنووور |
رد: قاعدة نظام الجهله .... الاذلاااال !
اقول انك كنق على اسمك بيض الله وجهك ورحم الله والديك عن النار
|
رد: قاعدة نظام الجهله .... الاذلاااال !
ياابن الحلال وسع صدرررك بس يالكنج
لاصار حاجتك ورى الكلب قوله ياسييييييييييييدي ان طاعك الزمن ولا طيعه والله كتاباتك هذي لاراح تغيرهم ولا راح تسوي شي الله يكفينا شر زماااااااااااااان الذل والهوااااان والوعد يوم غير ذا اليووم ان شاء الله ياللي رافعين خشوومكم مقدرك ومقدر كل كلمه كتبتها والله يكوون بالعوون ولاهنت يالكنج |
رد: قاعدة نظام الجهله .... الاذلاااال !
لاهنت يالكنق وبيض الله وجهك يمكن انا اختلف معك بخصوص الموظفين في الجهات والشركات الخاصه من الشروط الاولي لتعينهم هو ان يكون لديه اللباقه وانه يحرص على ارضاء العميل ويمكن بعض الاحيان يتحمل غضب المراجع ولايقدر يسوي شيء لان هذا بيوقف مصيره يعني اي ملاحظات عليه مسكوه الباب وبكل سرور لان هالموظف بداله عشر المشكله في المؤسسات والوزارات الحكوميه يمكن يكون ذا الموظف لا شهاده ولامركز يمكن وظيفه هامشيه (انا مانيب ضد الوظيفه لكن ضد الاسلوب ) لكن ياخوي اذا جيته تحس انه متقمص شخصيه الوزير والا المدير ويعطل المعامله علي شيء مايسوي ذا الشيء يتوقف علي شخصيه الموظف ان كان يعاني من مشاكل نفسيه وعدم ثقه بالنفس اذا جاء له مراجع وكان في حاله ونتقدر نقول مسالم تفرعن عليه وفرد عظلاته وحاول يبين للموظف انه شيء مهم وان المعامله متوقفه عليه اما اذا جاء ذا المراجع اللي الشرار يتطاير من عيونه خلص له المعامل وغصب موب طيب لانه يعرف مافيه مجال مانقدر نقول الا الله يهديهم ويصلحهم وان ذا الموظف مسئول عن كل عمل يقوم به وانه محاسب امام ربه |
رد: قاعدة نظام الجهله .... الاذلاااال !
{خلص الهياااط ... ان جاز علقو وان ماجاز لكم اعتبروه كلام مراجع
ماعليه حرج واذا فيه اضااافه فهذا تشريف لي وللمتصفح } بعيد عنك وكتاباتك الهياط بالعكس كلام في الصميم ومع الأسف الشديد حاصل وموجود وبكثرة .. فماذا عساي أن أكتب أو اضيف بارك الله فيك ما قصرت كفييييت ووفيييت ( قطعت العرق وسيحة دمهههه ) وشرحة وشرشحة شلة الأوباش والهمج الناقصين .. ولكن توضيح بسيط صاحب الفخامة (الملك ) الرجل بمعنى الكلمة سينهي موضوعك ويخدمك برحابة صدر وبلا منه أما الناقص - حاشاكم- فسيحاول أن يكمل نفسه ويلفت النظر له وتضخيم ذاته الدنيئة التافهه بعرقلتك ووضع العوائق أمامك فهذا وأمثاله (ارثمهههه على خشمه وأدعس على خده !! لاتصدق عاد وتسويها وتروح فيها :30: ) ولكن مثل هذا حاول جاهدا تخليص أمورك بس حذاري وانتبههههه ان تذل نفسك أو تسيييد للنذل :29: وإنما قدر المستطاع بعزة نفسك ومطالبتك بخدمتك وهذا حق من حقوقك فان تم الموضوع فالله الحمد والمنة أو مالك إلا تطلب أكبر رأس مسئوول في الجهة الحكومية وشرح الموضوع وصدقني ستأخذ حقك كاملا غير منقوص وسيتم موضوعك بيسر وسهوله .. نقطه أخيره - وتراي طولتها شوي تحملوني - أتوقع بل أكاد أجزم أن السبب في وجود أمثال هؤلا الموظفين المعقدين والمغرورين .. نحن!! نعم نحن!! فالكثير يتسيد ويتذلل لهم لقضى حاجته ومصلحته وكما قال أحد الأخوان ( إذا كان لك حاجه عند ... فقل .... ) ويعتبر ذلك سياسة وشطاره وهو ذل وخنوع لا يقبله الرجل على نفسه فلو أن الموظف إذارفع خشمه كسرته وكسرته يا الكنك والحبيبي 10 :17: بمعنى إلا نقبل غطرسته أو شوفة نفسه ويبلغ رئيسه أو مديره كان أستادب وتأدب وسار وانظبط وخلص الناس وانهاء معاملاتهم ولنتذكر جميعاما صح عن رسول الله صلى الله عليه وسلم انه قال: «اللهم من ولي من أمر أمتي شيئاً فشق عليهم فشقق عليه ومن ولي من أمر أمتي شيئاً فرفق بهم فأرفق به» رواه مسلم. اتمنى أني أثريت وأضفت للموضوع الكامل القيم وإنما جهد مقل أمام الكاتب القدير أخي الفاضل الكريم king وفقه الله فله ولكم التحية والتقدير معتذرا عن الاطالة |
رد: قاعدة نظام الجهله .... الاذلاااال !
اقتباس:
هلابالشقرديه وللااماانه انتي شعله نشااط تواصل بجميع المواضيع للاعضاء وهذا يحسب لك كثييييير عكس الكسولين مثلي:icon10: الله يعافيك والعفو ودوم منوره |
رد: قاعدة نظام الجهله .... الاذلاااال !
اقتباس:
هلاببو بروووك لك وووحشه اول شي العفوو وهذي محاولات للتعبير عمايحدث للااسف وعسى اكون وفقت لايصال فكرتي وترقى لاستحسانكم ثانياً اتفق مع مافي الاقتبااس معك والاجابه ياخووك ترجع لبيئة الموظف ووعيه وتربيته وهذي الثلاث تشمل حاجات كثيره وتتداخل بعوامل مشتركه والله يحب من يصل او يوفق بالجمع بين الثلاث ولو بدرجه بسيطه طبعاً من وجهة نظري الشخصيه ثالثاً..... اقتباس:
احب اوضح شي بان ماتكلمت عنه بماكتبت هو معاناة المراجع صاحب الحق وليس مراجع يطلب الفزعه بغض النظر عما اذا كان على حق او على باطل وهنا اقول بان الفزعه تحتم على المراجع التودد وكسب تعاطف الموظف لان من يطلب الفزعه على حساب اخر يكون على درجه من الخطاء وهو من وضع نفسه بهذا الموقف عكس طالب الحق فانه ليس بحاجه خنوع ( طبعاً هذا لو افترضنا تطبيق القوانين كما تنص الانظمه)! بالاخير الموظف بهذه الحاله لايلام ان فزع يشكر مع شرط عدم هضم حقوق الغير وان لم يفزع فله العذر . شاكر تكرمك وتشريفك لي بالمداخله التي اضفت لي قبل ان تثري متصفحي ومنووور يابو برووووك |
رد: قاعدة نظام الجهله .... الاذلاااال !
اقتباس:
مرحبا اخوي ابن صمهود ماعليك زود والعفو واطراء اتشرف به من كبير قدر ومقام وموهبه جزاك الله خير والله يرحم والديك وتشرفت بمرورك الغالي |
الساعة الآن 04:42 PM
 |
Powered by vBulletin® Copyright ©2000 - 2025, Jelsoft Enterprises Ltd.
---