ياعين هلي دموع الشـوق ياعينـي=ياجعل من لام عيني تعتمـي عينـه
ماتبكي الا وليـف جمـع الزينـي=يحسب من الحور مايرحم مجانينـه
اللي قضاء سنين يلعبي ويشقينـي=حاكم ديار الهـواء حكـم قوانينـه
خل علي صفوه العشـاق مدنينـي=وحن علي صفوه الخفرات مدنينـه
امس بداره ولابـه شـر تخمينـي=يازين يوم امس واما اليوم ياشينـه
من عقب قربه غداء اللي بينه وبيني=فوق الف وربعمـة كيلـو معدينـه
فبشكي علي حسين يوم انه مخاويني=لابدالي الوقت من عسره ومن لينـه
خـوي ولخوتـه مااحـط تثمينـي=اللي عسى الله يطول باقي اسنينـه
ياحسين لي دميه حلـت شرايينـي=البيت الابيض لها بالقلـب بانينـه
فارقتها العيـد مابيـن الصلاتينـي=والحـول دور ولاشفنـا مضانينـه
مجذوب انا صوبهـا والله يهدينـي=لعرقها اللي سـرا بطيـب تمكينـه
لولا المضره عليهـا مـن تبايينـي=بحثت انـا عرقهـا ويتـم تبيينـه
عذارء خلقها الولي تلهي المصليني=لالطير تطرح ولاتكسـر جناحينـه
عذراء لو ادش في وسط الميادينـي=مع صف صف العدو تخلف موازينه
العمر عشر سنوات وزود عامينـي=ثم عام ثم عام وهذا عـام بادينـه
والعود راوي كما عود الرياحينـي=والوجه مثل القمـر مامـل تمعينـه
اليا ذكرتـه سـرا قلبـي يسرينـي=قلب (ن) برمح المحبه تم تطعينـه
وصلاة رب المـلآ عـد الملبينـي=علي نبي خذا الاخـلاق مـن دينـه