الله من قلـب مـن اسبابهـم لان=يشعل ضلوعي من شبايب حطبها
ويفوح في صدري كماغازميثـان=وتضيق نفسي من زمانـن غلبهـا
وياقف نزيف الدم عن كل شريان=ويبست عروق القلب وياعصبهـا
اسهرمع الساري وجاذبه الالحان=وقول خيـره ربـي الـي كتبهـا
والي بينشـد ماجرالـي وماكـان=والي بينشد غايتـي وش طلبهـا
ذبحي وسبة ماجرى خدر الاعيان=ابوالعيون الـي سريـع عطبهـا
صادفتهافي سوق سنتـر مسيـان=غنهوجتن ياسعـد منهـو كسبهـا
قالت علامك قلت معجب وخجلان=ياليت من يعرف نواحـي عربهـا
ولدت لي بعين كماعين حـوران=واصبحت كني لعبة مـن لعبهـا
لاني عرفت الزين والزين عجلان=في عينه دمعه ولاعـرف سببهـا
ياخال هـذا ماحصلـي وماجـان=وش حيلتي روحي بعينـه سلبهـا
في زحمة افكاري وهمي والاحزان=فزيـت لاالصرخـه ومنهوندبهـا
يافهيدصرخات المحبيـن عنـوان=لاالطيحه الـي ماحـدن بيحسبهـا
يارجل اخيرن هزتك بنت ياحصان=الله علـى الفتنـه وش الله وهبهـا
خابرك قاسي ياسلايـل كحيـلان=من عاش بالدنيـا يشاهـد عجبهـا
احذرتعاطا الحب تاليـه الادمـان=امش وتذوق بس حامـض عنبهـا
لاشفت لك بستان خـوخ ورمـان=اقطف حلاوتهـا وعـوض تعبهـا
هذا ونا من سيرة الحـب قرفـان=ابـرد الّقمـه وغـيـري نهبـهـا
شم الورود اليانعـه وانـت فنـان=واحذر منيحـات اليتامـا تحلبهـا,