ياغرامي كيف هديت العزوم؟=ياعزومي كيف صرتي مبعثره؟
لين كلي كلّ من بعض الهموم=وصار قلبي كل غالي يخسره
كل مابغي عيت عزومي تروم=واللي ارفض ينثني لي اشكره
جيت الوم ولالقيت اللي ألوم=لين صرت الوم حظي وانهره
جيت الوم اللي خذى قلت محروم=يرفض لساني يلوم ويقهره
لانه اللي علم القلب العلوم=ولانه اللي لاجله اللي اسهره
ان رقدت القاه في عز الحلوم=وان صحيت , برمش عيني وانظره
علّ غيمات السما يومٍ تزوم=تنتقل له من سماي وتمطره
الحشيم المستعف راعي السلوم=من خذى كل الغرام وكسّره
والله انه يوم جا وقت اللزوم=دونه احلى الكون مافيه ثمره
عندي مقدر على الكل ومحشوم=اجسر لغيره اذا اخطى واعذره
ماخذى مني سوى قلب مغروم=وماخذيت الا دمي يوم اهدره
كثر غلطاته علي جعله يدوم=جعل عينه ماتشوف اللي كره
جعله اللي مايسام ولو يسوم=وليت كل قلوب مرضى تحذره
كنت ابيه, وبس يالله ع العموم=يمكن الخافي عظيمٍ لاظهره
والله ان ساسي من قروم القروم=ومستحي لاقول هزتني مره