|
انتصار الوداعين على آل مره
4كانوا ال مره بجمعهم وبقيادة الفارس الشجاع الغيهبان غازين يريدون الاستيلاء علي السليل لكثرة المياه والعشب ولكن دونه لابة زايديه وحدثت معركه شرسه وكسروهم الوداعين وكانوا الوداعين بقيادة الامير والفارس فايز ابن خليف الودعاني الدوسري /وقتل من ال مره تسعين لحيه وأصيب فارسهم الغيهبان ولكن فرسه السريعه انجته من الموت المحتم. وترك مصارع قومه قيلت في عمير بن راشد آل مرة قالها اخوه وكان اخوه ينهاه عن الذهاب مع الغيهبان ولكنه رفض وعندما ذهب رجع الى اخيه بعد المعركة مقطوع خشمه.
نهيت (( عمير)) في الغبا ثم بذني=عود علي من نيته قد عافي عيا عليها (( فايز بن خليف))=كنه الاسد ومقارشه ينعافي يستاهل الفارس جنا كل غريسه=هدب الجريد ودبسها الهكافي والقصيده اطول من ذلك لم يحفظ سوا هذه الابيات ولها قصائد كثيره للاسف ماتت مع اهلها وقد ذكرت الابيات في كتاب واحة الشعر الشعبي ج/6 |
بيض الله وجهك
على ذي السالفه الي كحلت عيني ابها مغليك بالحيل ابو زيد الغييثي |
نهيت (( عمير)) في الغبا ثم بذني=عود علي من نيته قد عافي عيا عليها (( فايز بن خليف))=كنه الاسد ومقارشه ينعافي يستاهل الفارس جنا كل غريسه=هدب الجريد ودبسها الهكافي والله ونعم بالوداعين وفعلهم يهول ونفتخر بعلومهم ونعتز فيها ابو هادي تسلم يمناك الجزله والكريمه وبيض الله وجهك وعساك على القوه ومواضيعك نادره وتفرح وجعلنا ما نخلا منك وسجل اعجابي فيك تحيات اخوك ابو عبد الله الشكري |
كفو والله وعلومهم طيبه كلها رجال الوداعين
لاهنت يابو هادي على السالفه والقصيده |
لاهنت ياتركي على ذكر هذه المعركة الشهيرة وكفو بصبيان الوداعين
وهذا عوايد الأولين لا ينقصون من قدر خصومهم . تقبل تحياتي،، |
بيض الله وجهك ياتركي ويعطيك الف عافيه على المشاركه المتميزه وذكر هذه السالفه المشهوره
تقبل تحياتي ,,,,, |
لاهنت يالغالي
وهذا ليس بغريب |
ونعم والله بالوداعين وماهي غريبة عليهم......ولاهنت ياتركي الودعاني......
|
تركي الودعاني
لاهنت على القصه الطيبه وكفووووووووووو صبيان الوداعين من غير نقصٍ بال مره |
والله ونعم بصبيان الوداعين وفعولهم اللي ترفع الراس وتفرح المحب وتغيض الشامت وحنا نفتخر بعلومهم ونعتز فيها ابو هادي تسلم يمناك الجزله والكريمه وبيض الله وجهك وعساك على القوه ومواضيعك نادره وتفرح وجعلنا ما نخلا منك وسجل اعجابي فيك تحيات اخوك دغش البطي |
تسلم يمينك
ولاعدمناك سباق للطيب والله يرحمه والاخوه ماعليهم زود الساس واحد والسر واحد الساس =الدوسري اخوكم ابن خليف الودعاني |
اقتباس:
هلا وغلا يابوزيد وجهك ابيض ويسعدني مرورك يالغالي |
تركي الودعاني مشكور على ذكر ذا السالفه اللي تنومس كل دوسري .
ونعم والله بصبيان الوداعين . أخوك .....العقيد..... |
بيض الله وجهك يابوهادي
ويعطيك الف عافيه على المشاركه المتميزه وذكر هذه السالفه المشهوره |
رد: انتصار الوداعين على آل مره ومقتل تسعين من ال مره
الله يرحم جدنا فايز بن خليف ويسكنه فسيح جناته والدينا والدين جميع المسلمين
يسلم يمينك ياتركي ولاهنت ويعطيك الصحه والعافيه..... تحياتي لك صقر_الوداعين..... |
الساعة الآن 09:46 AM
 |
Powered by vBulletin® Copyright ©2000 - 2025, Jelsoft Enterprises Ltd.
---