حــبـــيّـــب الـــعـــازمـــي
الشاعر اللي فيه سيما اهل الكرم والصالحين=احيان يقرا ماكتب واحيـان يكتـب ماقـرا
وصاه ابوه وجده اللي وراثه وصـا لحيـن=امايحصـل مابحـر والايحـصـل مـاقـرا
فــــــــلاح الـــقـــرقـــاح
ياحبيّب الروقي بلشنا في الليالي والسنين=الله يساعدنا على الكوكب وما به من ورا
راح المفرج والمزرج والمصقل والسنين=ما باقي إلا قفش ترباسه رما به من ورا
حــبـــيّـــب الـــعـــازمـــي
يابو محمـد مامشينـا فالـدروب الا يميـن=وانته تعرف الايمنا وانته تعـرف الايسـرا
لاكن لاياخذك فاهـل الـزور لـوم الايميـن=مار انتبه للي سرح واحسب حساب اللي سرا
فــــــــلاح الـــقـــرقـــاح
دينٍ ما ينكر منكراتٍ محدثه ماهوب ديـن=والوادي الممحل لا راد الله له الرحمه جرا
البيع يا طير السعد عد وعدد ماهوب دين=والطيب اللي لا جرا غيره مع الزحمه جرا
حــبـــيّـــب الـــعـــازمـــي
يالله لاتفرح علي اهـل الحسـد والشامتيـن=ويبطي عدوي من صوابه بعد اصابه مابـرا
ياهل الهوى وين الهنوف ام الوشم والشامتين=كم واحدن يقول عاشق مـار جسمـه مابـرا
فــــــــلاح الـــقـــرقـــاح
انتو وحنا طال عمـرك كلنـا مـن قالطيـن=الله تعالى يجعل لمـن طاعـه حجـاب وذرا
منقال طين اهل البناء ياصاحبي منقال طيـن=ويوم الحصاد يحصّل المحصول من جاب وذرا
حــبـــيّـــب الـــعـــازمـــي
انته وابن وسام سجلتوا هدف فالدورتين=واناقريت القارعه والزلزله والـم تـرا
التين فالبستان يارجلٍ تبا فالـدور تيـن=لاكن قيس المزرعه باليارده والامتـرا
فــــــــلاح الـــقـــرقـــاح
انا وابن عمي كفو والشارقة ماهيـب عيـن=انقل ترا ما عاد في الديرة مكان انقـل تـرا
العين صارت خشم ياحبيّب وصار الخشم عين=وهل السعودية ما تعرف مهرجـان انقلتـرا
حــبـــيّـــب الـــعـــازمـــي
لوتحسب القسمه على المقسوم له والقاسمين=اللي يباع برخص في سوقه بسعره ينشـرا
القاجمل والقاجـزل والقاهـزل والقاسميـن=مير الصحافه كـل شيئـاً ضدهـا ماينشـرا
فــــــــلاح الـــقـــرقـــاح
مافاد ابو شوشه لا ابو شارب ولا ابو شاربين=لا جات لـه بالمشتـرى والبيـع ولا بالكـرا
خلق الله بنعمة وخير ومـا كليـن وشاربيـن=خل العيون اللي نضـب ماهـا تحـلا بالكـرا
حــبـــيّـــب الـــعـــازمـــي
وين السيوف القاصمه ياصحبنا والمرت وين=الفن علينا ماطرا والفـن علينـا قـد طـرا
الله خبير بحال من ماتو ظمـا والمرتويـن=وان كان ماهب السعد فلاعلى الدنيـا طـرا
فــــــــلاح الـــقـــرقـــاح
انا ليا جارت علـي الأيـام قلـت الله يعيـن=وإن زان وقتي جيت عدواني على الكون جهرا
الرقية الشرعيـة تعالـج لـو العايـن يعيـن=عيون يسبق شوفها الدربيل وعيـون جهـرا
حــبـــيّـــب الـــعـــازمـــي
اللي يحب المرجلـه يبديلهـا والهـا يبيـن=واللي يعدي في كرا يقدر يحـول مـن كـرا
وانته تعرف الصاملين امن العرب والها يبين=حدث ولاتنسى نصيبك مـع نكيـر ومنكـرا
فــــــــلاح الـــقـــرقـــاح
يقودنا لأهل المراجل والوفاء شوق وحنين=الحزة البركة الياجتمعـوا مشايـخ وامـرا
كلن يعرف اللي لا شال الحمل ما جاله حنين=وانا لكم حتى لو إني مـن ورا الفيـوم ارا
