هات القدوع وهات معه الدلالي=واسكب لنا من صافي البن فنجال
ترى الدلال الصفر كيف الرجالي=وايضا لها بين المناعير منزال
في مجلس مافيه ذالك وذالي =في وقتنا اللي شاخ من يجمع المال
فيه السوالف مثل نقد الريالي=يسيل صدر بالحيا مابعد سال
ذكرت عصر للنشامى مضالي=فيه القلوب الصافيه رغم من قال
اهل العلوم الوافيات الجزالي=الشوروالحكمه مع ضرب لمثال
هذا ابن عم وذا حشيم وغالي=لوجاه ماعناه ماشال مثقال
واليوم لجل المال ماحدن يبالي =من زايد لنعام في حروب وقتال
ياهل الشيم والدين والراس عالي=ياهل المبادي الثابته كل رجال
عاداتنا لاتروح جوف الرمالي=مجالس الابطال تخريج لبطال
المملكه رمزالعرب والكمالي=آخرعروبتنا على مرلجيال
قولولكل الكون لا للضلالي=ترى شيمنا والقيم مقدم الفال

المشاركة الأصلية كتبت بواسطة نادر الناهشي (المشاركة 460920) هات القدوع وهات معه الدلالي=واسكب لنا من صافي البن فنجال ترى الدلال الصفر كيف الرجالي=وايضا لها بين المناعير منزال في مجلس مافيه ذالك وذالي =في وقتنا اللي شاخ من يجمع المال فيه السوالف مثل نقد الريالي=يسيل صدر بالحيا مابعد سال ذكرت عصر للنشامى مضالي=فيه القلوب الصافيه قلب رجال اهل العلوم الوافيات الجزالي=الشوروالحكمه مع ضرب لمثال هذا ابن عم وذا حشيم وغالي=لوجاه ماعناه ماشال مثقال واليوم لجل المال ماحدن يبالي =من زايد لنعام في حروب وقتال ياهل الشيم والدين والراس عالي=ياهل المبادي الثابته كل رجال عاداتنا لاتروح جوف الرمالي=مجالس الابطال تخريج لبطال المملكه رمزالعرب والكمالي=آخرعروبتنا على مرلجيال قولولكل الكون لا للضلالي=ترى شيمنا والقيم مقدم الفال