يا مطيع سجل لابومحسن قوافي=منقيةٍ ماكدرتها العذوفي
بحبرٍ من العنبر بالأوراق صافي=يفوح طيبه مع سياق الحروفي
للصاحب اللي صافي الود وافي=وأنا له أحلا من ارشاش القنوفي
مرٍ يسير لي على الرجل حافي = ومرٍ يناديني لراس الخروفي
في مجلسٍ فيه السوالف انظافي=ومثايلٍ ما قطعوها الهلوفي
اللي على الغايب تسن الرهافي=على النميمة يلحمون السيوفي
رفيقهم حاضر ولا غاب هافي=لقوا عليه من الشوايب اولوفي
يالله عساهم من سنعنا مقافي=مالردي بين النشاما وقوفي
يا بو محيسن ما علا الله خافي=مريت بيتك واحترك ما بجوفي
أشوف يا محمد به النور طافي=من عقب ما هو مدهلٍ للظيوفي
يذرى على بابه من الريح سافي=عليه قفلٍ محكمٍ امعكوفي
سئلت جدرانه وقالت عوافي=عيت تطيع ظروفكم والشفوفي
جدران لو فيها جميع الصنافي=من عقب اهلها ما عليها احسوفي
شديت منه يالفهيم السنافي=وشفنا على بابه بقايا الرفوفي
مارحت لا جافي ولا بمتجافي=تحكم عليك الواجبة والظروفي
تبغي ارضا الشايب وهذاك كافي=الشايب اللي له عليك معروفي
اللي زرع يوم السنين العجافي=واليوم جا وقت العطا والقطوفي
ياما شقت رجله وبالعين شافي=وان امهلت الأيام بدك تشوفي
لا صار في حبل الثقيل اختلافي=من كثر ما عظ الكتب بالدفوفي
من أجلنا فهيم تغيص الظلافي=خوف علينا مالظما والحفوفي
اللي عطونا من أصباهم انصافي=حنا على ما قيل نعطي ونوفي
يالله عسى رد الجميل امتكافي=اطلبك يالله وابتهل بالكفوفي
تجعل لهم يوم القيامة ملافي=في جنة الفردوس قدم الصفوفي
يا مرحباً ترحيبةٍ بك تشافي=مرفوعة القيمه عديمة اوصوفي
حشمة وقدر وفرحةٍ واعترافي =أن الوفي مثلك غلاه امخلوفي
يا بو فهد بالقول منتب اتصافي=وعليك معنى السالفة مايطوفي
قلبك يقول ان المرام امتوافي=معلمك ماهوب ظني زهوفي
ان قدرك الوافي بقلبي امظافي=قدرٍ يخصك فيه زودٍ ونوفي
لبست لك ثوبٍ من العز ظافي=ياجعل شمسك مايجيها كسوفي
تفرح بشوف اللي من البعد لافي=الله يجيرك من جميع الصدوفي
أقفيت من حيك وعيني اخلافي=وقلبي لقربك فيه وجدٍ يلوفي
ما بور بامثالك ولانيت جافي=الا ومع ذلك لك الله عيوفي
من رفقة اهل الهون فيني اعيافي=ما هوب كبرٍ مير بغض ٍ وخوفي
بعض العرب ذالوقت منه ايخافي=كثر الغثا والميز منه امحذوفي
اللي على الشبهات فيه انحذافي=اما اعترض ولا لقفها لقوفي
الله يستر منه والله يكافي=اللي على شين العلوم معسوفي
واقول ما قد قال صقر النصافي=قول المجرب للعوارف طروفي
اليا بلاك الله عسى الله يعافي=بالعاقة اللي لك يذب الجروفي
دور فراقه في اوساع الفيافي=قدام تكبر وجعته بالجوفي
اهل الردى واهل العقول الضعافي=عاشوا على الدنيا وماتوا ضعوفي
الرابح اللي سالمٍ وامتعافي=ماله ورى طرد المشاكل كلوفي
راعي صلاة وطاعةٍ واعتكافي=يرجى من المولى بحاله يروفي
للشعر نقادٍ وللقول قافي=وخير الرجال يقال رجل عروفي
من لا يصوب الهرج جاه انحرافي=يصير لالسنة الخلايق علوفي
صغت القوافي ربها اليوم تافي=للي بجزلات الفعول معروفي
وانكان جت بالعرف ذا اخر مطافي=انا اعترف له معلنٍ بالنكوفي

لاهنت على النقل الطيب ياخوي وبيض الله وجهك

المشاركة الأصلية كتبت بواسطة الزين (المشاركة 462152) اهل الردى واهل العقول الضعافي=عاشوا على الدنيا وماتوا ضعوفي الرابح اللي سالمٍ وامتعافي=ماله ورى طرد المشاكل كلوفي راعي صلاة وطاعةٍ واعتكافي=يرجى من المولى بحاله يروفي للشعر نقادٍ وللقول قافي=وخير الرجال يقال رجل عروفي من لا يصوب الهرج جاه انحرافي=يصير لالسنة الخلايق علوفي صغت القوافي ربها اليوم تافي=للي بجزلات الفعول معروفي لاهنت على النقل الطيب ياخوي وبيض الله وجهك

المشاركة الأصلية كتبت بواسطة نادر الناهشي (المشاركة 462163) ابوسالم لاهنت على النقل والاختيار الموفق خصوصا في الجيرة التي اوصابها الحبيب عليه الصلاة والسلام .شكرا لك مرة ثانيه

المشاركة الأصلية كتبت بواسطة دغش محمد الدوسري (المشاركة 462290) بيض الله وجهك اخوي ابو سالم ,,,ولاهنت على الطرح الطيب ..... ودمتم بحفظ الرحمن .......