|
من يحل اللغز!!!!
رجل تمدد في الصحاري مسافات = خيره لغيره ماله أرباح واطماع عظامه حديد وفيه للناس لذات = ينفع ومن نفعه يطيبن الأوضاع يالله يالنشاما ، من يجيب الحل |
يالله
نحاول تمددمسافات وش رايك بالمواتر عظمها حديد |
أبو عبدالمحسن المسعري أولاً ألف مبروك الأشراف وتستاهل يالقرم ثانياً الله لايهينك يالقرم على هذا اللغز الطيب والحقيقه ماشاء الله عليك شعله من النشاط نبي نرمع برمعه وإن شاء الله تصيب ويش رآيك طال عمرك بالزيت الخام ( البترول ) تقبل الود والتقدير والشكر والعرفان محب الجميع : دغش البطي |
حياكم الله .....
الأخ العزيز الغالي: "أبو زيد" مرحبا بك يالقرم سمي القرم "الأمير محمد السديري" وحياك الله على المحاولة في حل اللغز ورمعتك طيبة جدا ولكن مهوب المقصود حاول مرة أخرى وشكرا.
|
ارحب يابن غياث....
المشرف الشاعر الأخ/ دغش بن بطي " محب الجميع " مرحبا بك مليون ×مليون يالغالي. والله يبارك فيك وعسانا نقدم لهذا الصرح مايفيد ونبذل الجهود في خدمته.
بالنسبة لرمعتك يابو بطي فهي قريبة ولكن رمعة أبو زيد أقرب شوي وركز على كلمة "عظامه حديد" . حاول مرة أخرى ولك الود والإحترام |
أبو عبدالمحسن المسعري كلامك طيب من طيب راسك لاعدمناك يالقرم ولاهو بغريب عليك الطيب فأنت من أهل الجود والطيب طيب الله فالك وجمل الله حالك عندي رمعةٍ ثانيه ويش رايك طال عمرك بالقطار تحياتي القلبية لك محبك ومغليك : دغش بن بطي |
الله يسامحك يادغش سبقتني
ولكنك تستاهل يالقرم دايما سباق لكل علم طيب تقبل تحياتي ولاهنت يابو عبد المحسن المسعري على هذا اللغز |
...
الغاليين دغش البطي والركن أبو عبدالله ، مازلتوا حول الهدف لكن مهوب القطار ، حاول والثالثة ثابتة إن شاء الله يابو بطي.
(ينفع ومن نفعه يطيبن الأوضاع) هذا الشطر اللي يفرق الحل عن السيارة والقطار . يالله يالنشاما. |
الاخ العزيز ابوعبدالمحسن
السلام عليكم ورحمة الله وبركاته عندي يالذيب رمعه لو اني ما الله عطاني من الالغاز يمكن يكون (الرشاش ____المحور) |
وش رأيك في بيبات(المواصير) الماء
|
هلا أخوي تعديلا لإجابتي السابقة:
الحل هو الشبوك الموجودة على الطرق السريعة والتي تمنع الحيوانات من العبور على الطرق |
جابها المسعري.....
الأخ بدر العرجاني ماقصرت وتشكر على جهدك الواضح في طرح وحل الألغاز ورمعاتك كل حول الهدف.
المسعري: أحسنت وأصبت الهدف يالذيب وماقصرت وماقصروا الأخوان اللي رمعوا اللغز وشاكر للجميع مابذلوه من مجهود. وللجميع محبتي وتقديري ،،،، |
الساعة الآن 11:05 PM
 |
Powered by vBulletin® Copyright ©2000 - 2025, Jelsoft Enterprises Ltd.
---