مرحبا ترحيبة صادقه فـي كـل حـال=ماتغيـرهـا الدعـايـه وتـنـزل لـلـوطـا
يالسناني لك إجابه وعندي لك سؤال=افتحوا باب التفاهم وتصحيح الخطـا

البقـا ياشاعـر فــي مكـانـه لايــزال=مـن مقاديـم القبيلـه ورجـل مقلطـا
إن تعدت فرصة العمر مافيها مجال=اطرق البيبان والسرع منكم والبطا

الثـبـات لمـالـك المـلـك عـزيـز الـجـلال=الكريـم اللـي ليـا اعطـى جزيـلاً بالعطـا
أنت أعدك عن يميني ولا انته فالشمال=الحطـب والنـار للـقـدر ويطـيـر الغـطـا

اعتصم بالواحـد اللـي عليـه الاتكـال=لا تجي بين الجماهيـر وانتـه محبطـا
انت في جنبي ليا صار للنار اشتعال=دربنـا واحـد مانبغـى تفـاوت بالخـطـا

نظرتي للبشت قبل العمامه والعقـال=وميزتي في حكمة العقل قدّام اغلطا
اعتمدنا اللي تقوله وشدينـا الرحـال=واعتبر روحة خزاعه مراويح القطا

كـــل مـنّــك قـمــت لـلـوتـر زيـــد الإبـتـهـال=واحسن التخطيط لـن كنـت رجـل مخططـا
احسب حساب المسيره على كل احتمال=كم سنه فرعون فـي مصـر بقـي امحنطـا

يقـدر الطيـار لــو السـمـا دونــه خـيـال=يتـجـه لاقــرب مـطــارٍ يـــراه ويهـبـطـا
يمـكـن الأيــام تـنـدف مــن حــال لـحـال=وإن بغيت الصدق خير الأمور الأوسطا

الكوارث ممكنه بالمشاوير الطـوال=يمكـن الطـيـار قـبـل يهـبـط يتـورطـا
يا الله احفظنا من الزلزله والاختلال=ساحة الشعـار فيهـا ملقـف وعبطـا