كل ٍ لسانه فالكلام احصانه=والطيبه يابخت من يكسبها
والكامل الله ربنا سبحانه=امره على كل البشر غاالبها
واكثر خطايا أبن ادم أمن السانه= ومن لاوطى فالنار ماجربها
الحق حق ٍ مايجب نكرانه=والصادقه من يقدر ايكذبها
وقلب البنادم حسب كثر ايمانه=واهل الوفا والصدق يامطيبها
والبيت جيده من حجر سيسانه= واهل الكرم والجود من منسبها
والشعر مثل الحرب من فرسانه=وانا الهقاوي فيه ماخيبها
مشاعري به ماهي بحيرانه= اسرج هجوس الفكر واكهربها
والشعر يهل (الشعر من عنوانه)=يشرح عقول الناس مايغضبها
من لا يجيب الجابه المليانه = ماهو بشاعرها ولا كاتبها
بعض القصايد كنها رطبانه =كل ٍ الى من مرها سيبها
واللي كتبها فكرته عمسانه =ومن خيبته بفكاره معيبها
ياكثر من بالشعر ماله خانه =جاهل شروط الشعر ومعزابها
والشعر مايصعب على سيدانه=أتطوعه تطويع مايصعبها
وانا ليا طبيت في ميدانه =أصامد الشعار واتعبها
يظهر قصيدي فوق كل اسنانه = لو اسهج أخيول الفكر وشعبها
وان شفت ون السالفه خربانه=ماشلت هم اشوم واسيبها
وان شفت لي شاعر وسيع ابطانه=اضرب حساب اللي ماهو ضاربها
ماني من اللي ترتهش سيقانه =من روس قومٍ مدمين مخلبها
شاعر بفضل الله رفيع ٍ شانه=اصامد اهل الشعر لين انشبها
والشعر له وزنه وله ميزانه=واهبه وانا الرحمن بي واهبها
لايقربه من لا يجيد اوزانه=من لا يجيد الصنعه ايخربها
لاشلت سيفه وامتطية أحصانه = ماني معارك ذالشعر هايبه
اغوص بحره واخرج بمرجانه=وحروف الابداع اعرف اسكبها
أبيات شعري ماتجي هزلانه =وحروفها ماتهس عن واجبها
وااااازن هدف شعري على نيشانه = وحبت قصيدي لارميت اذهبها
و .. وجه البخيل يبين من بخلانه=الله وجيه أهل البخل يذهبها
بين العرب واذله وخسرانه = مايحمي اللحيه ولا شاربها
في وسط بيته قافل ٍ بيبانه = أمسكر البيبان وامكلبها
ماهو مرحب لا لفو ضيفانه =ولاهو مكرمها ولا ثايبها
يبخل بماله لو على بزرانه=ماهو بصوب المرجله عاقبها
ياشين حاله من ردى قصرانه=واهل الكرم مايختلف مذهبها
وانا اطلب اللي واسع ٍ غفرانه=من قبل تشرق شمسنا بمغربها
وأختم بذكر اللي عزيزاً شانه=رب ٍ سنين اعمارنا حاسبها