السلام عليكم ورحمة الله وبركاته

رواد منتدى الدواسر الاعزاء , اضع بي ايديكم هذا الرائعه لأمير الشعر وفارس الكلمه الامير ابوزيد محمد بن احمد السديري , اعجبتني كثيراً وحبيت اطرحها في منتدانا لانه بصراحه هناك قصائد فذه مغموره ولم تنل حقها من الشهره كباقي قصائده رحمه الله .. اترككم مع القصيده :

http://www.up-00.com/fqfiles/ZsR15338.bmp

يقول من بآيات فكره تكلم=آيات مصدرها خفي الضماير
ان دك بي داكوك قمت اتعزم=اخفيه لو أنه على الروح جاير
اخفيه عن من كان لوهو ولد عم=لا قابلٍ شوره ولاهو بشاير
اخاف ابوح السر ثم اتندم=ويدري بسري مفشي السر باير
الناس بلوى الناس بالحكي تظلم=وبعض الصغاير يجعلونه كباير
كم قالتن بالحكي قامت تعظم=كبرت ولو هي من صغار الصغاير
تلقح وعند ولادها ينثر الدم=ويلفحك من حامي هواها سعاير
تالد كسوب وبين الاشرار تتوم=تتوم وبتلاها تجر الجراير
واليا ندهني واحدن قلت له سم=بالطيب قلبي ما تمهل يخاير
ياما على الشدات نصبر ونجزم=ان ضيعت بعض الرجال البصاير
ان قامت الاريا تفرق وتلتم=لاضايع رايي ولاني بحاير
وان كان بعض الناس بالضيق تهتم=امشي بدربي باوسط الضيق ساير
وان شفت منهو من زمانه تهظم=قلت الهظايم للعذارى براير
وان شفت ميلات الزمان إتعظم=بالعزم هو والحزم شفت البشاير
احدن بفعل الطيب يذكر ويحشم=واحدن عن الطولات حاير وخاير
لعل بيته بين الابيات يهدم=هذاك حواش الردى والخساير
يابعد فرق الناس كافر ومسلم=تخيروا يامدورين الذخاير

لكم اجمل التحايا

المشاركة الأصلية كتبت بواسطة برنسيسه الريــــاض (المشاركة 481420) قصيده رائعه واختيار موفق ,,,,,,,,,,,,,,, لاهنت على النقـــــل ,,,,,,

اشكرك برنسيسه على المرور الذوق

المشاركة الأصلية كتبت بواسطة حزم الظـآإآمـيے (المشاركة 481421) رحم الله الشاعر الامير محمد الاحمد السديري واسكنه فسيح جناته ولاهنت اخوي النازي على النقل تقبل ودي وردي

اللهم اامين ..

كل الشكر لك حزم الظامي على المرور وعساك على القوه

المشاركة الأصلية كتبت بواسطة خميس مطر الغييثي (المشاركة 481433) رحم الله الشاعر الامير محمد الاحمد السديري واسكنه فسيح جناته ولاهنت اخوي النازي على النقل تسلم يمناك وتم تثبيتها تخليدا" لذكرى هذا البطل

اشكرك يابومطر على المرور الجميل .. ومجرد اطلاعك على متصفحي يشرفني ..

ولاهنت على التثبيت هذا من ذوقك ..

تقبل ودي

اخاف ابوح السر ثم اتندم=ويدري بسري مفشي السر باير
الناس بلوى الناس بالحكي تظلم=وبعض الصغاير يجعلونه كباير