ياعذابي من يلوم اللي مـن الجـور امتضايـق=خضت اناسوق الغرام ابغا النجاح وطاح سوقي
طحت انا في حب جايرشب في جوفـي حرايـق=وآنِس الحب الحقيقي قام يجري فـي عروقـي
ما إتهمته بالخيانه بـس لـه طبـع وطرايـق=يِلحق الصابر مـداه وذوقـه مخالـف لذوقـي
وإن طلبتـه حاجـةٍ يثبتلـي العـذر بوثايـق=والصحيح اصدقـه والنفـس عيـت لا تفوقـي
اكفخ بجنحان مكسـوره مـع الجـال آتهايـق=يمكن اعـوّد سليـم ويمكـن الناتـج زلوقـي
يا عرب ردو علي قلبً غـدا فـي كـف بايـق=قالو السلطـان فـي مافـات بـذّاه السروقـي
قلت انا ياقلب هـوّد وقـت ولا صـرت رايـق=ولجل احصل مقصدي من صاحبي يا نفس روقي
وجيت ابكشف ما بقالـي واتقصـى للحقايـق=و إكتشفت إنه خذا حقه ومـن فوقـه احقوقـي
قلت له يازين انا بالحيـل متعومـس وضايـق=قال لـي لا تلتفـت صوبـي وقلبـك لايتوقـي
قلـت ياغـض النهـد بالله لوتسمـح دقايـق=باشرح ضروفي وأبيّن لك مـدا حبـي وشوقـي
قال يا مسعـود رح دوّر بدالـي فـي الخلايـق=المحبـه بالرضـا مهيـب شـدّن بالحلـوقـي
قلت له وين أنت رايح قال لي ويش أنت ذايـق=لا تحسب إني لكم زبدة علـى زقـم السلوقـي
وصرت انا مابين غار ونار موقفً غيـر لايـق=ولّعت تحتي جحيم وصار صُبـر الغـار فوقـي

المشاركة الأصلية كتبت بواسطة راشد المسعري (المشاركة 486312) اكفخ بجنحان مكسـوره مـع الجـال آتهايـق يمكن اعـوّد سليـم ويمكـن الناتـج زلوقـي ههههههههه انتبه من الثانية يامسعود واحسب حسابك قبل تتخذ اي قرار ترى العافية زينه صح لسانك وسلمت وانت شاعر محاورة ونظم مميز مثل القرقاح تقبل ودي وتقديري ،،،،

قلت له وين أنت رايح قال لي ويش أنت ذايـق=لا تحسب إني لكم زبدة علـى زقـم السلوقـي

هههههههههههه هنا مربط السلوقي

صح لسانك مليار على هالعذبه يبوسعد