::: مـنتدى قبيلـة الـدواسـر الـرسمي ::: - ترى الحوثي وعونه..... ذبحته من عندنا بعيار

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - ترى الحوثي وعونه..... ذبحته من عندنا بعيار (http://alduwaser.org/vb/showthread.php?t=46158)

ترى الحوثي وعونه..... ذبحته من عندنا بعيار

سلام الله على جيشٍ ردع كلب اليمن عقار =ردع كلب اليمن يوم العدو بانت مكابيته
ترى الحوثي وعونه ذبحته من عندنا بعيار=ندَكبها الجبال اللي تلاغفها سرابيته
يناطحله رجالٍ فالمواقف علمها جبار=سفيهٍ غرته زمره .جنا جاني على بيته
هذاك الجيش يالحوثي سعودي,مخلصٍ,مغوار=وش انت اليوم من فعله , وش انت اليوم من صيته
يسدك قايده سلطان سيفٍ بالعدل بتار = على عنق العدو صارم سهامٍ في معاديته
هذاك اليعربي اللي حما داره وعز الجار =سلايل فخر ساسنله ,بطيب الفعل رابيته
ابو خالد ليامن المراجل جالها نيار = رسى صامل على ماقيل سهمٍ في معاديته
وابو تركي رفيقنله,ينوبه حاميٍ للدار = اميرٍ مخلص النيه ,شريعة رب حاميته
وخالد راعي الحكمه شجيعٍ مايهاب اقدار =جموع الجيش في صفه على خطه وفاديته
انا بنشدك يالحوثي بعد مابانت الاسرار = ورا صاحبك خانك وانت من خيرت مواليته
ينابح في بلاد الفرس كلبٍ,فاجرٍ,غدار= يقول اني على دربك وجيشي في مواقيته
بعد ماشاف جيش العز حاوطكم وشب النار =سرايا الجيش سباقه تبى الفردوس باغيته
وبعد ماشاف جيش العز ..سني ماعليه غبار = عرف نفسه ورددها ..الاياليته وليته
وانا بنصحك يالحوثي نصيحه سعرها مليار =ترى السني على ملة نبي الله وكافيته
ولاهو طامعٍ ياكود غير فجنة الابرار =يقدم لجلها الغالي . ويفداها بعافيته