http://www.n6n9.com/vb/mwaextraedit4/extra/92.gif

(إليكم بعض الصور الزوجية اليومية)


الصورة الأولى :
الزوج :انتي يا بقره! ورى ما تجيبين الشاهي جعلس العنقز؟
الزوجة :
طيب انا جايه الحين!
الزوج :يلا بسرعه! اخلصي
جاءت الزوجة وحطت الشاهي وصبت له بياله
فبدأ الزوج يتطعم الشاي
وقال :
عمى يعميس وش ذا الشاهي المخيس؟
الزوجة :والله اني مدري! صلحته وانا مستعجله طيّرتني الله يهديك
الزوج :الله يهديني؟ وش قصدس يعني انا مطفوق؟
الزوجة :من اللي قال انك مطفوق؟
وبعدين كل الناس تبي الهداية
الزوج :يلا عاد بلا كثرة هرج عطيتس وجه يا الخامله
طسي لمطبخس وبزارينس الله يصبرني عليكم بس!

الصورة الثاني :
الزوج :يا أم فلان!
الزوجة :لبّيه!
الزوج :ودّي بشاي من يدينك الحلوه يا حلوه!
الزوجة :من عيوني يا عيوني
شوي وجابت الزوجة الشاي وأعطت الزوج بياله
وقالت :
سم يا بعد قلبي
الزوج :تسلمين يا روحي
وشرب له شربه خفيفه
وقال :
الله الله وش هاالشاي الحلو؟
ما عمري ذقت شاي حلو مثله!
الزوجة :الحلا كله في فمك!
......................



هذه بعض من الصور الزوجية الواقعية
فبعضها رومنسية وبعضها مأساوية وبعضها فكاهية
ولقد سطرتها بهذا الأسلوب
لعلها تكون أقرب للقلوب
فمن كان منكم مؤيداً لهذه الطريقة
فليبدي رأيه في رده ويقول الحقيقة
لعل الفائدة تعم وتشمل الجميع
وأنا الآن منتظر الرد السريع!
..................................................

المشاركة الأصلية كتبت بواسطة بنت الذيب (المشاركة 550136) طبعا وبلا شك الصوره الثانيه أحلى وأرقى :) العلاقه الزوجيه يجب ان تسودها الموده والرحمه وايضا الاحترام آباءنا وأجدادنا رغم انهم غير متعلمين وبعضهم لم يكمل تعليمه،، إلا انهم يقدرون الحياه الزوجيه ويحترمون المرأه أكثر من شباب هالأيام الآن ورغم وصول الاغلبيه الى درجات من العلم إلا انهم وللأسف بعضهم يهين المرأه ويشتمها لأتفه الاسباب وكأنه ماخذها من الشارع،، وأيضا هناك بعض النساء وللأسف لاتقدر هيبة زوجها وتلقاها تسب وتشتم وتتجرد من طبيعتها كأنثى .. الحديث في هذا الموضوع طويييل وما له نهايه :) اخوي سعود..يعطيك العافيه ع طرح الموضوع احترامي وتقديري..

المشاركة الأصلية كتبت بواسطة شيهانه بكف صقار (المشاركة 550138) والله يا اخوي الكلمة الطيبة صدقة يعني شوف كيف اثرها والزوج مهب خسران شي اذا بادر زوجته بالكلام الحلو واللطيف بل على العكس فها الشي يجلب الالفة والمحبة بين الزوجين ويقرب القلوب من بعضها ويجعل الزوجة في حيااء دائم من معصية هذا الزوج الحنون واللطيف فلكلمة الطيبة نص العلاج والعلاج الاخر يأتي بالمعاملةوالامور التي تليها الانسان (كتلة مشاعر) متى ما اشتد البرد احتاج الا دفأ وحنان ومتى ما قسى الصيف اشتاق لمطر من الكلمات المثلجة للصدور اتمنى اني ضفت ولو شي بسيط من رايي الشخصي فو الله الكلمة الطيبة مو بس بين الزوجين بين جميع الناس تصفي القلوب وتأخي النفوس وتعطي للحياة طعم ولون على المدى الواسع والبعيد ماشاء الله عليك اخوي سعود مواضيعك كلها ثريية واجتماعية الله يجزاك الف خير

المشاركة الأصلية كتبت بواسطة رماد (المشاركة 550240) . . • الـٍف شًـٍگر لگ على الطـٍرح المفيـًد .. ودمًـت لنًـآ بگل خير ..