من الخافق اللـي ينقـل الـود والتقديـر=لراعي الفعول النـادر اللـي وفـا شبـره
رفيق الوفا والعز في نظرتـي هـو غيـر=جبل والجبل ي ناظـر العيـن يـا كبـره
يمينه تحمل المسك يفـداه راعـي الكيـر=حميد الخصال بهـا القلـم يفتخـر حبـره
قـوي الروابـع فالمواريـد و التصديـر=لسانه مضيق تعبـر السفـن مـن عبـره
سفن حرب مع سفن بهـا للخليقـه غيـر=تسـر الصديـق وذاك بصدوفهـا قبـره
مفرج و أنا مارتد فـي مدحكـم و احيـر=يابـو ناصـر ياطيـب السـاس والدبـره
عيـال المنيعـي فعلهـم يعجـز التعبيـر=لانهم عضام الراس والكسـر هـم جبـره
سهـوم المنايـا والعـدو غايـرٍ ومغيـر=الى من غبـت روس المناعيـر بالغبـره
هل الطاس تاج الراس تضرب بسيف الزير=بهم يفخر الضيرين و الهضب هم سبـره

وياركـب جيـبٍ جديـد ورد تصديـر=حديث الطراز وصانعه صاحب الخبـره
جميل الوصوف يروف بدريوله فالسير=يسوج الفيافي ماوقف داخـل الكبـره
ليا من دغفته صبح ولا بوقت عصيـر=يجي القار تحته كنه السلـك فالابـره
بنصيـه قـرمٍ دايـم نذكـره بالخيـر=ابن نيف ريف الضيف مخبور و نخبره
تربى وسط بيت المراجل وهو صغيـر=يروم الصعاب وبالجبر جـات منجبـره
اعزك ياتركي والغـلا مايبـي تفسيـر=وترى الطيب اعزه واقـدره واعتبـره
اخويه واعده فالشدايد سـوات النيـر=يذري ذراه و يزبنه من نفـد صبـره
ويفداك لاشٍ نـازلٍ منـزل التحقيـر=ردي يشوف النفس من ضعفه وكبـره
عسى شايب جابك بجنات خلد يسيـر=ليا شفتك اشوفـه وتخنقنـي العبـره
ولا هو غريبٍ طيبكم و الكبيـر كبيـر=بكم يفخر التاريخ من نجـد لا جبـره
سلايل رجالٍ سطرو مجدهـم تسطيـر=وكم من عـدو بفعلـم صايـرٍ عبـره
وداعين وقت الحرب تشرب زلال البير=على خيولهم لو العـدو زايـدٍ زبـره