|
فرصة استثمارية في الإمارات
بسم الله الرحمن الرحيم السادة اعضاء المنتدى السلام عليكم ورحمة الله وبركاته أما بعد: فرصة استثمارية ممتازة في الإمارات طرحت شركة دانة غاز الإمارات اسهمها للإكتتاب ابتداءمن 20/سبتمبر إلى 3/اكتوبر 2005 بسعر درهم للسهم الواحد ولمزيد من التفاصيل الرجاء زيارة موقع الشركة WWW.EKTETAB.AE |
لاهنت وبيض الله وجهك يامسفر على الأخبار الطيبه
والله يوفق الجميع تقبل فائق الأحترام والتقدير |
الله لا يهينك يا مسفر
على المعلومات الزينه والله يرزقك ويرزقنا خير |
تسلم يا مسفر على هذا الخبر
والله يوفق الجميع لما فيه خير . بس عندي سؤال : هل اقدر اشترك في هذه الشركه من السعوديه ولاّ لازم اروح للامارات ؟ ولك كل التقدير . |
وعليكم السلام ورحمة الله وبركاته اخوي الغالي ابو رائد مسفر الكبيري ما شاء الله عليك حتى في الاقتصاد مبدع الله يهنيك في عمرك وينير بصيرتك للحق اختيار موفق للموضوع يابورائد جعلك تحيى واهم شي يتحر الواحد منا في هذي الاسهم الشي الحلال لان الدعوه مختلطه عسى الله يكفينى عقوبة الرباء وكل مسلم تقبل احترامي اخوك / فهد الغريري,, |
وعليكم السلام ورحمة الله وبركاته
الله يجزاك خير يامسفر وينصر دينك يالشيخ تحقق لنا من حلالها وحرامها يالقرم مثل ماقال ابو هادي عشان نسوقها ونساهم |
الأخ / مسفر الكبيري
لا هنت على المعلومه الأقتصاديه الأستثماريه لكن من اللي له شدت على السفر للا مارات لأنه على حسب علمي لا بد من فتح حساب هناك مرة أخرى نكررالشكر لك أبو رائد |
مساء الخير جميع
حبيت اذكر نقطه او نقطتين لمن يريد المساهمه في دانه الغاز يطلبون منك تفتح حسااااااااب وهذا غير صحيح الخطوات للي يبي يكتتب هي تروح لبنك دبي خلف سيتي سنتر وتصدر شيك (مانجر شيك) من بنك دبي ومن ثم الى بنك دبي الاسلامي ايضا خلف سيتي سنتر وقم بمليء نموذج الاكتتاب واعطهم الشيك وكذا انت انتهيت ملاحظااااااااااااااااااات -طلبون منك تتواجد بمركز دبي (وهذا غير صحيح) لمن يرغب بالاكتتاب بدانة غاز فقط! -يطلبون منك تفتح حساب ببنك (وهذا غير صحيح) لمن يرغب بالاكتتاب بدانة غاز فقط - البنوك عندهم يصكون العصر ... ! |
يعطيك العافيه يالبريمي على التوضيح ومشكور على الحهد الي تبذله في المنتدي وهذا من طيب راسك
اخوك :عبدالله |
ياليت تعطوني خبر سريع
حلال ؟ والا حرام ؟ ومشكورين ويعطيكم العافيه اختكم / ديما |
اقتباس:
وتراني غيرت اسمي الى النجم الهاوي اخوي عبدالله واسمحو لي بالاضافه هذي درهم واحد اماراتي لكل سهم مع اضافة مصاريف اصدار بواقع فلس واحد لكل سهم تدفع بالكامل عند الاكتتاب * بنوك الاكتتاب : بنك ابوظبي الاسلامي/بنك ابوظبي الاسلامي/بنك ابوظبي التجاري/بنك الاتحاد الوطني/بنك الخليج الاول/بنك المشرق/ مصرف اتش اس بي سي/بنك الامارات الدولي/بنك الشارقه/والبنك العربي المتحد من شرائح الاكتتاب ، الشريحه الثانيه لمواطني مجلس التعاول الخليجي : سيتم تخصيص 700000000 سهما من الاسهم المطروحه للاكتتاب لمستثمرين من مواطني مجلس التعاون الخليجي الذين يكتتبون بعدد لا يزيد عن 75000سهم ويسمح بالتداول باسهم الشركه لدى ادراجها من قبل كافة الجنسيات مع الاخذ بعين الاعتبار القيود على ملكية اسهم الشركه ككل |
عدت لكم مره اخرى للاضاااااااااافه وهذا الااضافه ناقلها لكم من موقع للاستفاده للجميع (((هناك طريقة سهله جدا للأكتتاب بشركة دانة الغاز دون عنا السفر وهي كالتالي : الخطوات : 1- أدخل على الموقع أكتتاب http://www.ektetab.ae/ 2_قم بتعبئة البيانات في نموذج الاكتتاب ثم قم بطباعتها وثم قم بعمل نسختين للنموذج الأصلي والتوقيع على النسخ الثلاث جميعها. 3_ أذهب الى سفارة الأمارات وقم بتصديق الجواز وبطاقة الأحوال الخاصة بك من السفارة . 4_اذهب إلى بنك الأمارات بالرياض وقم بإصدار شيك مصدق باسم شركة دانة الغاز بالمبلغ المراد الاكتتاب به والأفضل فتح حساب وإصدار شيك مصدق لتسهيل وتسريع العملية وقم بكتابة أسمك ورقم مرجع الطلب خلف الشيك المصدق (رقم مرجع الطلب تحصل عليه من نموذج الاكتتاب عبر الانترنت وضروري الاحتفاظ به للمراجعة فيما بعد بخصوص طلبك ) . 5- ضعها بظرف وأرسلها عبر البريد المستعجل (DHL) أو أي شركة بريد مستعجل لعنوان بنك دبي الإسلامي . وهذا العنوان: Attn: Mr Arshad Khursheed Dubai Islamic Bank Office # 204, Al Masood Building, Deira, Dubai, UAE Tel: 009714-2107330 وبكذا تكون اكتتبت في الشركة بكل سهولة ودون عنا . ومن يريد الاستفسار أكثر أو التأكد عليه الاتصال بهذا الرقم بنك دبي الإسلامي ( 0097142117400 ) أتمنى من كل شخص استفاد من هذا الأمر دعوة صادقة فقط وبالتوفيق للجميع)) |
اقتباس:
ارحب يا النجم الهاوي ذكرتُ أنه لابد من فتح حساب في رد لي وعقبت عليه وقلت لا يطلبون فتح حساب وهنا تقول الأفضل فتح حساب وجريدة الأقتصادية ـ تقول (( وأمام صالة المقاصة ومكتب بنك الإمارات الدولي .. ألتقت الأقتصادية عدداً من السعوديين الذين جاءوا لاستخراج رقم مستثمر وفتح أرقام حسابات لدى بنك الإمارات قبل التوجه للاكتتاب..)) وش الصحيح بارك الله فيك |
ابقه يالواضح افتتاح الحساااااااااااب مهوب الزامي يعني يفضل (( هنا يكون اما تفتح او لاتفتح حساااااب)) حسب رغبتك يالغااالي ارجو ان وضحت الصووووووره |
مشكور يالنجم الهاوي معلومات مره حلوه ودام فيها بنك إسلامي يعني المسأله حلال ؟ والا ؟ اتمنى تفيدني بهالنقطه بس ومشكووووور ديما |
الساعة الآن 03:59 PM
 |
Powered by vBulletin® Copyright ©2000 - 2025, Jelsoft Enterprises Ltd.
---