::: مـنتدى قبيلـة الـدواسـر الـرسمي ::: - ماني من اللي يطردون المقفي

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - ماني من اللي يطردون المقفي (http://alduwaser.org/vb/showthread.php?t=49036)

ماني من اللي يطردون المقفي

((المقفي))

ماني من اللـــــــي يطردون المقفي =اللي مـــــــــقفي مـــاله الا قــــفايه
ماهــوب فنجالي ولاهـوب شــــــفي =ولاهـــو عــلي الـــدنيا شقاي وعنايه
مــــن شان طبعه يصبح اليوم مـنفي=في مجلس أهل الطيب يلقى قصايه
دامـه عن علوم الـــــمراجل يــــــلفي =وان شـــــــافها ينزل وهــــيه عــــلايه
الـــصقر يكـــــفخ والسريطي يـــرفي =حلــــمه يـــرود لـــــقمة الــــــهملايه
يـــقصر ويـــــقصر كانها اليوم تـــكفي =ولا عطيته مــــن عـــلومي كــــــفايه
حبر القلم من دون شــــرواه جــــفي =ولا كــــــتبنا في جـــــنابه روايــــــــــه
عن بعض الاشياء ودي اغض طـــرفي =ماودي اسلك في سلوك الــــــوشايه
الــــــــستر يــــبقى للاوادم مــــخفي =والــــــستر يبقى للـــــعذارا عــــــبايه
وجدي علي رجل ٍ ضميره مــــــصفي =ما كــــــنه الا لاوصـــــــــفته مـــــــرايه
لا شانت الــــــدنيا لـــــقيته بــــصفي=وان زانت الـــــــدنيا هــــناته هـــــنايه
الرجل له عــــــــند النشاما ملــــــفي =امـــــــا بــــــــياض الـــــــوجه ولا زرايه
بــعض العرب نوره بـــــوجه مـــــطفي =من بين حجانه تــــشوف الـــــــعصايه

الشاعر /عايض المعاوي