محاورة جمعت كلاً من الشاعر سلطان المسعري والشاعر فلاح القرقاح والبداية كانت مع المسعري

المسعري

سلام تسليمه مسير جات من قلبٍ سليم = تسليمه مثل السحاب الغر جلاي الضماء
ذليل ربي جمع الشعار في راس القصيم = واليا طفاء الكهرب نسريها على نجوم السماء

القرقاح

يامرحبا في حله الشيخ الكريم ابن الكريم = في الديرة اللي معظم اهلها مشايخ وعلما
اشوي وتذعذع من القبلة نسانيس النسيم = وليا طفاء الكهرب تجود في المطوع يانما

المسعري

يامكثر العربان لامن جيت زمزم والحطيم = واللي عيونه تنظر الكعبة بلش فيه العما
تبغى فعولي يالمطوع ناظر الحر العديم = لامن زمانك كشر انيابه وموقفك احتما

القرقاح

الليل ياسلطان نبغاها من النوع القديم = وان كان زانت ربما وان كان شانت ربما
انا ادري انك من رياجيلٍ يضدون الخصيم = مير الليالي بارك الله فيك غرى وادهما

المسعري

ان كان تبغى يالمطوع تمسح دموع اليتيم = اللي توالي الوقت يضحك في سنون بلا جما
ان كان صادق في كلامك قول والله العظيم = واليا لعب فيك الضرم فوقف ليا جيت ضرما

القرقاح

أي والله ابغى الخير وادل الطريق المستقيم = ولا انت تنصح وانت مالك في هذا العلم انتما
حتى لونك داهية وتعجز عيال الحريم = تراك والله ما رميت ان كان ربك ما رمى

المسعري

الوقت قاسي والزمن دوار والوارد محيم = ياللي تجي حول الحما حذرى توقع في الحما
فـ اخر زمان العولمة عان المواطن والمقيم = كلن يغني ياعذابي منك ياعذب الما

القرقاح

حفلات خلق الله دمرتوها ياشعار النسيم = واللي يشوف رقيق الرقروق بيشوف الكما
انت متحفظ كلمتين ولا زعيم الا زعيم = وانا ابغي المعني يجي ويروح والصف يحما

المسعري

ترى الغنا ما هو لاشفت النار شبت في الهشيم = الفعل لاشفت الصدور تفج وتسيل الدما
لحيتك باروكة لاكن القلب يامطوع سقيم = كانك تشوف انك عظيم الناس لاجوك عظما

القرقاح

القصر يبقى قصر منصى للنشاما ياغشيم = والصندقة حتيش لو حطو لها باب وغما
الحية اللي نومست روس قحطان ابنا مظيم = ما همها اللي يمشط قرونه ويرقى ويهما

المسعري

في تالي ايامك تقنص كل ضب وكل ريم = ياكثر ما علمتك المرمى لاكن شوفك زما

تسلم يمناك ياغازي

وصح لسان المسعري والقرقاح

ولاتحرمناء من مثل هذه المحارات الطيبه


كل التحاااااااااياااااااااااااااااا

من قال سالم يابو مبخوت

لاهنت على مرورك يالقرم

كل الشكر لك