بديت بأسم اللي يعرف النيَه=ويعرف امورٍ في الصدر مخفيَه
اكنها لامن لقيت الهافي=اللي عليه من الردا ماريه
ماهو بخوفٍ من سمال علومه=لامن سرى بأحلامه الورديَه
اكنها خوفي من الله يغضب=تكتب علي يوم القيامه سيَه
وانا دخيل الله عليه الامن=كلٍ نسا خله وابوه وخيَه
في موقفٍ كل البشر بتشوفه=كلٍ حصاده مازرع ماضيَه
وبعض المشاعر في الصدر لاهلت=تروي ضمى اللي ما طرا له ريَه
تغلغلة وسط الضماير كنها=تنقى من بكار الفكر منقيَه
موثقاتٍ بالوسم والشاهد=لاهي بلاسلفه ولاعاريَه
من وسط قلبٍ بالموده صادق=غالي تولج بالغلا غاليَه
في محفلٍ من ساق رجله يمه=يلقى مكانه في صدر راعيَه
عند جلوي يلقا الجناب الطيب=مع دلةٍ صفرا ونارٍ حيَه
بنوب عنه يالنشاما لحظه=بترجم الاحساس في قافيَه
يامرحبا يالابتي ياربعي=واللي حضر من غيره ياحيَه
بحضور من سر الصدور حضوره=شيخِ يشوش الراس من طاريَه
نمر فهد ولد الصباحي مالك=رمز الثنا والطيب والجاهيَه
ويامرحبا بالكل كلٍ بإسمه=على مراسم دورةٍ وديَه
مافيه خاسر بينا لا والله=كلٍ كسب وانفوسنا مرضيَه
الله يبيض وجه من يرعاها= حط الجوايز وفرةٍ ماليَه
كريم سبلا في المراجل كنه=ساحبةٍ تزبرت وسميَه
ثم اقبلة برعودها والبارق=على فياضٍ بالدهر مبليَه
واركت عليها بالمزن وداني=لين استهلت بالحيا عصريَه
مدت يمينه في النوايب تغني=فقير مال وحالته مبريَه
اسس مبره للدواسر واكد=على التواصل والثقه مبنيَه
بين المواطن والوطن والحاكم=في طاعة الله وصلةٍ شرعيَه