يا حفيظ يا ستر البني الرعابيب (في مدح الامير الشيخ حفيظ آل حفيظ)
 

يا حفيظ يا ستر البني الرعابيب
وجهها الشاعر شايع الدوسري للامير الشيخ حفيظ بن عجب آل حفيظ الدوسري في حفله السنوي 1428هجري
يا الله يا رحمان يا عالم الغيب**** يا باعث(ن) روح الفتى من لحدها
يا واحد(ن) ما فيه شك(ن) ولا ريب**** يا رافع(ن) سبع(ن) بليا عمدها
عني اليا عديت روس المراقيب**** أبدع من افحول القصايد جددها
أصوغها خايف عليها من العيب**** أخاف من يصغي لها ينتقدها
أثني على أهل الطيب واهل المواجيب****ملفى صناديد الرجال وسعدها
أهل الكرم مدهال عكف الاشانيب**** وريف الركاب اللي تردى جهدها
هجن(ن) من الطرقه اخفاف المزاهيب**** لا جات مع فج(ن) تبارى وحدها
يا اهل الركايب نحروها راعى الطيب **** حفيظ شوق اللي صغير(ن) نهدها
في مجلسه تلقون كل التراحيب**** والبن الازرق والشحم من بعدها
منصى بني عمه ومنصى الاجانيب**** و مركى لسفرين الوجيه واسندها
لا جيتو ابن حفيظ عطب المضاريب**** يا سعد من شروى حفيظ(ن) ولدها
شيخ(ن) عليه اتساق حرش العراقيب**** وجمايله جف القلم من عددها
يعطي جثيل المال مع شمخ النيب**** وشهب الجيوب اللي جدد من بلدها
ما جاته الشيخه بدز المكاتيب**** من قبله الشيبان دقوا وتدها
جده راعى البويضا حصان الاطاليب**** شيخ(ن) سنام المرجلة هو عمدها
يا حفيظ يا ستر البني الرعابيب**** لا بينت خبث الليالي نكدها
لا ولعوها ملحقين المشاهيب **** والبيض يا بن حفيظ فلت جعدها
لك موقف(ن) يصعب على الحر والذيب****يا ذيبها يا حرها يا أسدها
حر(ن) يهوم المرجله بالمخاليب**** وضد الخصوم اللي تنفخ اغددها
المرجله تنقاد له طوع واديب**** طوع الأديب اللي كلا القيد يدها
منازله في عاليات المصاليب**** الطيب حاشه والطويله صعدها
صيته ظهر فالناس شرق(ن) وتغريب**** يوم الرخوم اتغيب مااحد(ن) فقدها
الشاعر شايع بن مسلم الخضران

رد: يا حفيظ يا ستر البني الرعابيب (في مدح الامير الشيخ حفيظ آل حفيظ)
 

والله ومليون نعم بالامير ابن حفيظ الشكرة والقصيدة الطيبة تزهى للامير الطيب والحمولة الطيبة اللي يشرف طاريها

بيض الله وجهك على نقل القصيدة


اخوك : فهدالنــــادر

رد: يا حفيظ يا ستر البني الرعابيب (في مدح الامير الشيخ حفيظ آل حفيظ)
 

شكرا لك يالنادر على مرورك عادتك الطيب