السلام عليكم ورحمة الله وبركاته ,,,

هذه مجارات الشاعر دهيمان بن عبيد الهوامله للشاعر عيدان بن راجس الهوامله

الدوسري اللي وعدتكم فيه, وإنشاء الله تنال على إعجابكم .

بأجيب أول شيء قصيدة عيدان ثم بأجيب مجارات دهيمان لها.



يقول عيدان بن راجس :


في رجا قلبي يبين واشــوف انه يـــزود

************ليتني في تاللي العــمر ماجــانـي أهـبـال

جاه شــي مابـعـد جــاه عــداه الحــــدود

************يـعــلـم الله لاتــوهــم ولا أقـولـه خـيــال

خـصة الشقــرا نحرهــا كما لـبة نـفــود

************ماوطئ فيها يسود المطر عقب الـشـمال

فـيـضة الـتنهات بـيــن اللوا حي والنهود

************لاغطاها نـبـت وسـمـيـهـا مــن كـل جـال

ريح زاهـرهـــا مع الصبح كنه ريح عود

************جاويً حول بـه الـسـيل من روس الجبال

والعواتـــق والمـعـنق كم خــاطـي عـنـود

************عاودت عقب الجــمـيــله تـلـفـت للغـزال

أوسط الخفرات في الطول وأطولهن قعود

************وأكثر اللي شفت في الملح وأكثرهن جمال

وقلت أنا له باهوى القلب قلــبي لــك ودود

************وينصرم ياسيد البــيض لا جـالـك مجـال

وا خوال مشاهدك جعل عرفك مايعود

************مثل ما يخوى المــسافـر على كيف الدلال




هذه مجارات دهيمان يقول فيها :




هاضني عيدان للقاف فـي بـيـوت تـقـود

**********قود حبل الثانية فـوق مـمـرزة الــمحال

يوم قال أنه يبي القلب يعـلـن بـالـصـدود

**********عـن طـريق الـغي يـلديني يصيبه أجـفال

في رجا عيني تهن الرقـاد مـع الــرقــود

**********مير عيني كن فـيها مـن الــمرقــد خـلال

كل ما قلت أرجهنت مــع جــو الــركـود

**********هـلت الـعـبـره ولا فـيه صبر واحـتـمــال

ضاعفٍ عزمي وعيني تعارض كل نود

**********مير دون اللي تـوده صدوق الـمـوت حـال

لابغيت أجـيـه دونــه رجاجـيـل فــهــود

**********شطروني عنه بالعطف ورهيف السلال

والزمان أقـفــا وحــضــي مـعـه يـجـود

********* تحت شمسه فوق رمضاه ماجيت الظلال







وسلامتكم,,,,,






تحياتي,,,,