بيت الشعر يبكي على أهـل المغـاتيـــر=يبكي على مبناه في جال خبه
فـي جـال روضآ زاهـي بالـنــواويــر =ينعش بريحه عشبها من يطبـه
ربــع مــواريـد وربـعا مصـاديـــر =تحت الذرى والرمث يازين شبه
يــقـول وقــتآ راح لي فـيه تقـديــر =من قبل ربعي بالحضاره تشـبه
يـامـا جـلس بحـماي ناسآ مـشـاهيــر =أهل الشجاعه والكرم والمحبه
ناس سـوالـفهـم تزيل الـتـفـاكـيـــر =مابينهم غـشـاً ولابه مسـبـــه
ودلال بـن بـهـرت خــوش تـبـهــيـر =من دلة الرسلان يازين صـبـه
يازيـن صـبه للرجـال الـمـناعــيـــر =اللي لهم بين النشاما محـبه
مـايشـربون الآ حـلـيـب الابـاكــيــر =يشـفي عليل الكبدعن كل طبه
ياعـنك جـيل الـيوم ماعـاد به خـيــر =يومه يقول البيت يابوي كبه
يـاما حـضـنـته في ذرايه وهو صـغيـر =حاميه عن بردالشمال ومهبـه
عـقب المعـزه صرت مـثـل الـدياكـيـر =في وسط قصراً فيه صاله وقبه
تبدلت ذيك العـمد بـالـمـواصـيــــر =تبدل الفانوس في نور شـبـه
من واقع الذكرى كتـبت التـذاكيــــر =من كان له ماضياً لزومآ يحـبه
من دون نقص بالـنشـاما وتقـصـيـــر =هـذاهـوالواقع ولاهي مسبــه

المشاركة الأصلية كتبت بواسطة ناصر فهد الدوسري (المشاركة 594830) الله الله يا ابو مطر صح لسانك وصح لسان شاعرها وراقت لي يا ابو مطر وبيض الله وجهك على النقل

المشاركة الأصلية كتبت بواسطة دغش محمد الصخابرة (المشاركة 594847) ابو مطر صح الساااااااانك وبيض الله وجهك ويعطيك العافيه على الاختيار الرائع

المشاركة الأصلية كتبت بواسطة أخو الشيوخ (المشاركة 594894) الله الله على الابيات صح الله لسان قايلها ولاهنت يابو مطر على نقلها

المشاركة الأصلية كتبت بواسطة بدر سلطان التمامي (المشاركة 594904) ابيات رائعه جدا اعجبتني تسلم اخوي خميس على النقل تحياتي لك...............

مـن واقـع الذكـرى كتـبـت التذاكـيـرمـن كـان لــه ماضـيـاً لـزومـآ يحـبـه

خمــــيس مطر لك ذوقك الخاص ،، في انتقاء قصائدك

احترامي وتقديري ..

المشاركة الأصلية كتبت بواسطة بنت الذيب (المشاركة 595152) قصيده رائعه صح لسان شاعرها وتسلم يمينك يابوشيخه على الاختيار الطيب لاهنت..

المشاركة الأصلية كتبت بواسطة خيالية (المشاركة 595183) مـن واقـع الذكـرى كتـبـت التذاكـيـرمـن كـان لــه ماضـيـاً لـزومـآ يحـبـه خمــــيس مطر لك ذوقك الخاص ،، في انتقاء قصائدك احترامي وتقديري ..