ياديريتي ياديرتي دار السلام = دار الرخا والامن والحكم السليم
دار العدل والشرع دستور ونظام = دار الوحي منزل بها كتاب عظيم
قبلة جميع الناس للبيت الحرام = فيها ومسجد سيد الخلق الحكيم
ارض وطاها من بعث يجلى الغمام = لبى ثراها من عمان الى الحطيم
واصحابه اهل الفضل وانوار الظلام = والتابعين ومن تبعهم من حكيم
ائمة الحق ومرابيع المرام = ايامهم ما فيه ليل مستديم
واليوم غيرنا الطريق والالتزام = اللي تبع نفسه وشيطان رجيم
راح التقى والدين مع نوح الحمام = والناس تاهت وسط تيار عتيم
منهم فئة بخصهم في ذا الكلام = والمشكلة ماعينوا منهم خصيم
اليكم القصة وما شفته تمام = وسط العليا والمربع والنظيم
والموت عند المملكة جنب الوسام = شرق البنا شمالي الخط القديم
في موتر تكسي واظنه برقهام = شباب باع المرجلة منها عديم
من شافهم يبطي وعينه ما تنام = ويقول عود جابهم ليته عقيم
قبوع مكياج وسلاسل باهتمام = ومشيا غنج ومقلدينٍ للحريم
ومحمرٍ خده عسى عمره عدام = والشعر منفوش كما جثة هشيم
اذا قعد يعجز مايقدر فالمقام = بينه وبين العز نيران وجحيم
اعرابهم عكسه حروف الانحطام=العين واليا والالف من بعد ميم
هذا رجل لا والله ان هذا خمام = مابه حيا ولا خلق عنده صميم
كرمكم الله يالعزيزين الكرام = من ذكر جنس يقطعه رب كريم
نعوذ بالله من حياة الانهزام = والله حرام بيننا ذولا تقيم
ياهيئه الحسبه عليكم الانتقام = منهم وردوهم لدرب مستقيم
والا على الدنيا وهذولا السلام= ويالله عفوك وانت تواب رحيم

المشاركة الأصلية كتبت بواسطة مبارك بن الجوير (المشاركة 599445) ابو شالح صح الله لساااااانك ملايين يا القرم قصيدة تحمل من الامااانة الشيء الكثير ورسالتها نبيلة ودافعها غيرة الشهامة في قلب رجل مسلم عسى الله لا يحرمك الاجر ويكفانا وياك يا شافي من بلاوي هالزمان بلوة عسى الله يحمانا يا القرم ونسال الله العفو و العافية.. يسلم منطووقك وفكرك ومشاعرك النبيلة يا شافي تقبل مروري المتواضع على صفحة شامخة بالرجولة..

المشاركة الأصلية كتبت بواسطة بدر سلطان التمامي (المشاركة 599516) صح السانك اخوي شافي , وبيض الله وجهك يالقرم تحياتي

المشاركة الأصلية كتبت بواسطة خميس الغييثي (المشاركة 599596) صح لسانك واعتلى شانك ولاهي غريبه عليك الغيرة على ابناء البلد ولاغريبه عليك الابداع

المشاركة الأصلية كتبت بواسطة ابو زابن المسعري (المشاركة 599616) صح الله السانك وبيض الله وجهك على هذه القصيده الجزله مبدع ياشافي جعلك تسلم

المشاركة الأصلية كتبت بواسطة ا ل ن د ا و ي (المشاركة 599814) صح لسانك يأخوي شافي والله يعطيك العافيه .. تدري وش ودي ... أجمع الجحلط ذولا وأحطهم في عروق الدحي شهر لين أما يصيرون رجاجيل ولا يموتون ويريحون المجتمع منهم ... تقبل تحياتي ....