الهية بين المساعرة والشيابين من عتيبة أفيدونا
 

السلام عليكم يالربع ومساكم الله بالخير ياليت تفيدونا عن هذه الهية
ويعطيكم العافية

ارحب يابن مشيب والساعه المباركه يوم زرتنا بالموقع وشاركتنا وانشالله بيفيدونك الاخوان بالنسبه للهيه اللي ذكرتها .....

تبقى وتسلم يا ابن مشخص وأنا في انتظار الرد

رد: الهية بين المساعرة والشيابين من عتيبة أفيدونا
 

مرحبابك يارجال والربع الظاهر ابطوا علينا لكن انا قد سمعت باهالهيه واللي اعرفه انها كانت حول الخرج

وصارت على مارد ماء على ما اعتقد

وباقي التفاصيل ماهيب عندي

رد: الهية بين المساعرة والشيابين من عتيبة أفيدونا
 

ارررررررررررررررررررررحب

يالقرم

وانا ماعندي فكره عن المعارك

ولا كن انا نقلت لك روايه مترك المسعري ((

غزا هذال الشيباني و ابنه جهز و أبا العلاء الدواسر جارين عتيبة
وكان قصدهم ال ابو سباع من بدت الدواسر و كان خشمان بن سويد الجفارين و ابن رده ذاهبين للمقناص و مسكوهم عتيبة فهرب
ابن رده في الليل ينذر ال ابو سباع لأن عتيبة تاركين ال ابالحسن
على يمينهم وقاصدين ال ابوسباع في لخن الحيانية فسألت عتيبة
خشمان من خيالة ال ابوسباع عدهم علينا ونخلي إبل إبوك نخليها لك
فقال إبل إبوي ليست له إن أخذتوا إبلهم قسمتها على ال ابوسباع رفده و إن إفتكوها فلا لإحد منّه أما خيالة ال ابوسباع سأذكرهم لكم
فذكرهم فحاولوهم بالليل فلما أصبحوا تشاوروا ال ابوسباع في أمرهم فقسم قالوا دعونا نهرب بالإبل وقسم قالوا بل نحاربهم و أميرهم ساكت فقالوا يا الأمير وش فيك ساكت فقال إن كان كل نذير
بيجيكم بتهجون فلا ترعون إبلكم فقالوا وش الرأي فقال أنا ما معي
إلا ما بنيتوا و أنا محتزم فيكم و فعلي بتشوفونه فقالوا الإبل دبرتها عندك فأخذها في عدامة الحيانية الطويلة فغارت الخيل و حصلت معركه عظيمة قتل فيها ابن رميص و ابو بتيران و منع دغيليب
و قلع خيل كثيرة من عتيبة فلما رأى هذال عتيبة منهزمين صفق ذلوله وقال انا اخو هملا والله الجماعة اللي ما لي عليهم حظ
فلما اجتمعوا بعد المعركة قالوا لهذال
اجمع عتيبة و خلنا نغير عليهم وهو ساكت فلما أكثروا عليه قال
أنا فعلي تعرفونه و أنا لي حظ لا غرت يجي لحظي كدمة و هؤلاء
قوم ما لي عليهم حظ و إذا أحياني الله و الله ما عاد أغير عليهم إلا صادرة تواجه واردة ))



اخوووووووووووك ابو زيد

رد: الهية بين المساعرة والشيابين من عتيبة أفيدونا
 

الغيثي بيض الله وجهك على هالتوضيح وماقصرت

تحياتي لك

ابن مشخص المساعره

رد: الهية بين المساعرة والشيابين من عتيبة أفيدونا
 

بيض الله وجهك يا ابو زيد ماقصرت يالذيب

رد: الهية بين المساعرة والشيابين من عتيبة أفيدونا
 

وجهك يابن مشخص

اخوك ابو زيد

رد: الهية بين المساعرة والشيابين من عتيبة أفيدونا
 

بو سعد لو اني داري انك بترد مارديت

وخليتك ترد وكفيتنا وفيتنا عند الرجال

لانك دوم وافي


اخووووووووووووك ابو زيد

رد: الهية بين المساعرة والشيابين من عتيبة أفيدونا
 

بيض الله وجهك يابوناصر على التوضيح وسلمت يمناك يالذيب

ولك تحياتي اخوك ابن غيث

رد: الهية بين المساعرة والشيابين من عتيبة أفيدونا
 

ما عليك زود يا ابو زيد

وما عليك تعداي لاجيت في لزوم سديته يالقرم

رد: الهية بين المساعرة والشيابين من عتيبة أفيدونا
 

الغيثي بيض الله وجهك على هالتوضيح وماقصرت

رد: الهية بين المساعرة والشيابين من عتيبة أفيدونا
 

داعي الذكرى ووجهك

اخوك ابو زيد

رد: الهية بين المساعرة والشيابين من عتيبة أفيدونا
 

بيض الله وجيهكم

ولاهنتوا

رد: الهية بين المساعرة والشيابين من عتيبة أفيدونا
 

بيض الله وجهك يا ابو زيد على التوضيح ونعم والله بالدواسر كلهم
ولايهونون قبيلة عتيبه الهيلا
اخوك مجاهد الدوسري