يالصاحب اللي صحبتك مثل قلتك =ماني بمحتاج ال خمايل علومك
أن غرتك دنياك بي يوم ردتك =بعدين لاتفرح بي اني خدومك
ماعاد تعنيني حلات ابتسامتك=سبني بدنيايه وروح اب لزومك
وخذ ياحبيبي من غرامي لراحتك =وخلك على غفلات دنيا حلومك
انا ماني ميت برجوا محبتك =ولا تبرد .. أعزومي لابردة عزومك
لي ملةٍ ما حالت اوصاف ملتك =خلك على غفلة سباتك بنومك
منت عزيز الشان لي .. ولامنتك=والله يعجل لي بفرقات يومك
الله ولا بالحب وصلت صداقتك =عيب على مثلي لاعافك يرومك
ماجاب راسي ذوق فنجال دلتك =وعلمي ترى ليحاطتك ومعلومك
ياكثر من ربط المحبه تفلتك =وانا على أسرار المحبه كتومك
وويابرد نار أفراقك .. وحر جنتك =وياشين في سلم السواير سلومك
مايلومني سفر النبا في ضعافتك = الله ولا فوقي تلبد غيومك
لي عزةٍ متفرعتك وتعلتك =عيت تعشب من مطرها حزومك
حفرتلي وجابك الله بحفرتك =وأمني الله مكر ربعك وقومك
ولعلها من ذمتي وسط ذمتك =ولو تنعرض للبيع والله ماسومك
ياكبر قامت هامتي فوق قامتك =متفرعٍ بالجود عالي نجومك
يخرج الله بالغلا لي معزتك =ويفرج الله لك بوصلي همومك
ياقدم فالعشاق والشوق دقتك=دقه قديمه بالهوى في قدومك
كبر لنسيان المواصل مخدتك =وانا ماني بالشعر ابد من خصومك
حذفت لا رسايلك واحرقت صورتك =ولاشلت هم الاوصل حبك ولومك
مشقوقةٍ ياشين بالحب بدرتك =ماتستر الجسمك ملابس هدومك
استح من الله ربك اعلا ثوارتك=وانا ابشر اني بالملا يانعومك
وان كان تبغا بالقصايد لا خسفتك =ولو تنفرض بالحب واجب ماصومك
جعلي معاد اشوف بالكون جرتك =وتغيب من وصل المشاعر واشومك
ماهمني بالشعر شرهت فخامتك =لو ينفتح من شعري اخبث خرومك
اسكر ابشعري مناسم خباثتك =من قبل هبت ريح بصلك وثومك
وسلامة أذن السامعين /ال/ غشامتك =وان ضقت لا تنفر عليه خشومك