بسم الله الرحمن الرحيم

الفكـر زان وزان بـدع التعابيـر=والهاجس المرهي يـدور جزيلـه
والهاجس اللي مايصيـد المذاييـر=لاخيـر فيـه ولا صبـيٍّ يشيلـه
وجنّي بنات الفكر صف وطوابيـر=واخترت منهن والمسامـع كفيلـه
اركّب المعنى على خير تصويـر=والله يجملني على احسـن وسيلـه
أزفها صوب الرجـال المشاهيـر=اللـي تـدور للثنـا والفضيـلـه
يامرحبا يا هل العشر يالمصاريـر=ياهـل العلـوم الوافيـات المهيلـه
يامرحبا واعـداد نبـت النواويـر=ياهل الوفـا يـا كاسبيـن النفيلـه
يالابةً تعرف على الشـر والخيـر=إليـا لمـس راس الزنـاد الفتيلـه
تثنون دون حدودكـم والمظاهيـر=بضرب المشوك والسيوف الصقيله
ومركاضكم يشبع به الذيب والطير=ويدينكم صـوب المعالـي طويلـه
كم سربةٍ راحـوا تقافـوا مدابيـر=وكم من خليلٍ فارقـوا بـه خليلـه
وكم راس شيخٍ طاح مثل الشعاثير=وخالف ظهر بنت الحصان الاصيله
لاد الحبيبي لا غشى الجو تكديـر=يردون حوض الموت رزفه وشيله
انتوا على الطاغين ياطويق يالنير=و إنّا لكم لاصار في الوقت ميلـه
هرجـة ردي الرابعـه والمعيثيـر=ماغيـرت فهـل القلـوب النبيلـه
أنا لكـم وانتـوا لنـا يالمناعيـر=واللـي يـدوّر للغثـا عزتيـلـه
زايد وتغلب في الليالي المعاسيـر=قبيلتيـنٍ وفـي المواقـف قبيـلـه
جينا وجيتونا على حسـن توقيـر=ومدهالكم بيـن الضلـوع النحيلـه
يومنا جمعنا زادنـا عـز تقديـر=والليله الليلـه ماهـي بـأي ليلـه

صح لسانه وبيض الله وجهه



قصيدة جزله من جزالة شاعرها

المشاركة الأصلية كتبت بواسطة عبدالله المصارير;658969 يامرحبا يا هل العشر يالمصاريـر=ياهـل العلـوم الوافيـات المهيلـه [/b [/color]

المشاركة الأصلية كتبت بواسطة عبدالرحمن بن فلاح آل بريك (المشاركة 662617) كفو بالمخاريم و كفو بالمصارير . وصح السان ابن طفلان وعوايده عز الله ما يجيب إلا الجزل . ولا هنت يا عبدالله على النقل المميز . لا عدمناك ..

المشاركة الأصلية كتبت بواسطة أعقل مجنون (المشاركة 663517) بيض الله وجه الشاعر ابن طفلان وجه عبدالله ويستاهلوووووووووووووون المصارير أهل العشر المردف