http://www.mezan.net/forum/g6/6%20%2817%29.gif
قصيدة بمناسبة عودة الملك المفدى للوطن بعد رحلته العلاجية خارج ارض الوطن

يـاخـادم الـبـيـتين لاباس تطهير = يـشـفـيـك رب لـلـبـرايا يشافي
عـود حـمـيـد ودايم الدوم في خير = يـابـو الـمـكـارم واليدين النظافي
شـعـبك على شوفك يسوق التباشير = وبـلادكـم لـبـسـت ثياب الزفافي
قـلـوب شـعـبك كنها خافق الطير = تـكـفخ تحت حدب الضلوع النحافي
ان غـبـت عـنهم صار بالجو تعكير = وان جـيـت جو المملكة صار صافي
مـبـداك مـثـل المرزمات المزابير = غـيـث عـمـيـم لـلقرى والفيافي
شـعـبـك يـابو متعب يقدرك تقدير = ويـبـدي لـكم ما كان بالقلب خافي
احـد يـعـبـر بـالـلـسان التعابير = واحـد يـعـبـر بـالـدموع الذرافي
وتـحـت الـخـدور يرحبن الغنادير = بـالـقـايـد وسـتـر البني العفافي
وفـوق الشجر تسمع لحون العصافير = تـسـجع طرب رغم السنين العجافي
شـعـبك يعبر لك عن الشوق يا امير= ويـهـتـف عساها يابو متعب عوافي
اسـكـنت شعبك في رياض مخاضير = نـوارهـا مـن كـل الانـواع زافي
حـطـيـتـهم وسط العيون المساهير = عـيـن لـهـم فـرش وعين لحافي
وحـطوك في وسط القلوب المحاجير = عـرفـان بـالمعروف لك واعترافي
اتأسس الـبـنـيه وتسـعى لتطوير = ومـع حمل شعبك شلت حمل مضافي
تـبـعـث رفـات وتبني امجاد وتنير = درب مـن الـمـاضي محته السوافي
تـبـنـي بيوت الله وتدعم هل الخير = وتـوسـع اروقـة الـحـرم للطوافي
وتـنـشـي مـدن وتعبد السبل للسير = وتـفتح من اجل الشعب دور ومشافي
تـكـرم كـريـمـين وتغني مفاقير = نـاس مـن الـعـازة شـفاهم نشافي
وتـمـسـح دموع اللي دهته المقادير = وجـدران قـلـبـك للرعايا صخافي
صـالـح ومصلح فيك حكمه وتدبير = ومـيـزان عـدلك ينتصف للضعافي
لـلصاحب احلى من حليب المصاغير = وشـر عـلـى الـعدوان سم زعافي
لـسـطـوتـك ذلـت قلوب الجبابير = وقـويـت بك قلوب الرجال الخفافي
يـابـن الـمـلوك اللي تدك الطوابير = لا حـل فـي حشود الحريب اختلافي
لاجـــــــا نـهـار فـيـه ربح ومخاسير = ربـح الـسـلامـة والخساير هيافي
تضرب على الهامات ضرب المساطير = بـمـهـنـد تـرعـف شباته رعافي
تـضـرب بـحــــد المرهفات البواتيـــر = لاحـذفـن بـيـض الـبـني الغدافي
مـنـا الولاء لك والوفاء دون تقصير = والـعـهـد ديـن وعـادة الحر يافي
حـنا عضودك صار ما صار ويصير = حـنـا الـى جـات المواقف نشافي
يـا امـيـر حـنا اللي نفك المسامير = لا وثـقـت حـنـا الـشداد الصلافي
قـدنـا يـابو متعب على اليم ونسير = قـدام نـمـشـي مـا نـعود خلافي
يـابـن الامـام مسطر المجد تسطير = عـبـدالـعـزيز اللي يروي الرهافي
مـن دار اخو مريم سرى جيشه مغير = واشـبـع من خصومه سلال الشلافي
ونـادى الـمـنادي في المنابر بتكبير = الـحـكـم لـلـي بـالقدم سار حافي
وصـاح الـبشير وسمر الحكم تسمير = نـجـد لـبـو تـركي وزال الخلافي
قـال الـشـريعة منهجي دون تغيير = ومـن عـز ديـن الله يـذب الشعافي
حـكـمـه سماوي ما حكم بالدساتير = مـا فـيـه بـند ملحق وبندً اضافي
وحـد شـتـات صفوف قوم مناحير = وعـم الـرخاء والامن عقب التجافي
وقـطـع رمـوس مـدبرين التدابير = مـن عـقب ما شاشت وحان القطافي
قـوم تـفـرق وحـدة الصف وتثير = نـعـرات لـديـن الـشـريعة تنافي
يـاالله يـالـلـي رد مـن جمة البير = يـوسف على يعقوب وابصر وشافي
تـحـفـظ بـلاد الدين من كل تدمير = فـي حـمـاك تبقى ما عليها خلافي
وتـحـفـظ ملوك تكرم الجار وتجير = ومـن جـار يجبر بالحراب السهافي
ومـسـك الـختام اختم كلامي بتذكير = بـازكـى الـسلام لمن دعاء بالكفافي

المشاركة الأصلية كتبت بواسطة عقاب ال بريك (المشاركة 662067) ارررررررررررررررررررررررررررررحب يابوزيااااااااااااااااااااد حيك وحي ماجبت ........... صح لسان أبوفهد مليآآآآآآآآآآآآآآآر على هذه القصيده الجزله في ملك القلووووووووب ........... تحاياي .........

المشاركة الأصلية كتبت بواسطة نايف آل بريك (المشاركة 662077) صح للسان الشاعر فراج فهد بن جديع قصيدة جزلة لاهنت يابوزياد ع النقل

المشاركة الأصلية كتبت بواسطة فهد المقابله (المشاركة 662079) صح لسان الشاعر فراج ولاهنت يابو زياد على النقل

المشاركة الأصلية كتبت بواسطة ابو شبيب ال بريك (المشاركة 662092) صح لسان ابو فهد وهو استاذ كبير وشاعر متمكن ولا هنت اخوي ابو زياد ع النقل المتميز دائمن

المشاركة الأصلية كتبت بواسطة انسان2008 (المشاركة 662161) الله يحفظ خادم الحرمين الشريفين ويمتعه بالصحة والعافية صح لسان الشاعر ابوفهد وشكرا لك يا ابازياد على المشاركة تقبل مروري اخوك ابوعبدالعزيز

المشاركة الأصلية كتبت بواسطة ابوشافي الدوسري (المشاركة 662164) صح لسان الشاعر /فراج بن فهد بن جديع آل بريك وسلمت يمناك يابوزياد على النقل تحياتي وتقديري

المشاركة الأصلية كتبت بواسطة محمد مطلق آل بريك (المشاركة 662222) صح لسااااااااااان أبو فهد ولاهنت يأبو زياد على النقل تحياتي وتقديري