يا عيال زايد يالوجيه المسافير=طيور الهداد مكملين الجمايل
اهل الندى والفال وايا التباشير=واهل الشكاله عزنا دوم طايل
كبار الفعول مجنبين المصاغير=درب عدال ما هو اليوم مايل
كرامة من عهد سالم وانا اسير=الراس عالي والمعزه دلايل
يا لابتي يا عزوتي منبع الخير=يامحزمي والباس لاشك زايل
هيضني الهاجوس ثم التعابير=وابدعت من فكري جزيل المثايل
لاجل الكرام اهل الهجن والمغاتير=حمايتن للذود قوم الاصايل
اهل النبا والسيف من دون تذكير=يشهد لنا عند اللقا كل عايل
و ما قلت انا هرج ولا فيه تاثير=ابين المعنى وافك الحبايل
دواسر تجمع على الشر والخير=ومن شافنا شاف القشر والهوايل
عدالتن للميل قوم الاساطير=ما نقبل الزلات وايا الهزايل
وان قلت مهما قلت ما اوفي المقادير=و حنا من اسياد العرب والقبايل
والشيخ منا له معزه وتقدير=مثل الملوك الشامخين الاوايل
حنا شروق العز والمجد والسير=صوب المعالي دونها ما نحايل