::: مـنتدى قبيلـة الـدواسـر الـرسمي ::: - مدح في الدواسر (( منقول ))

السلام عليكم ورحمة الله وبركاته

قصيده في بني عمي واهلي قريتها في أحدى المنتديات واعجبتني

اتمنى ان تنال على اعجابكم

.................................................. ............

المبتدأ ذكـر الله أفضـل كلامـي
وصلاة ربي عالنبي وكـل حيّـه

وشلونكم ياعيال عمي الكرامـي
ياعزوتي يأهل الكـرم والحميّـه

قصيدتي" فيها الدواسـر مرامـي
اللي لهم بالمجد روحـه وجيـه

فعولهم عز مـع الوقـت دامـي
سمعة شرف تبقى للأجيال حيـه

ودخيلهم بأمر الولي مايضامـي
من دونه الارواح تهـدى هديـه

وفي قسمهم مادون راس السنامي
يعطون ومايرجـون رد العطيـه

قل دوسري ويقال عاشت الاسامي
شيوخ عز وطيب ماهـي خفيـه

قل دوسري وتشوف زود أهتمامي
لا الزايـدي منهـم ولا التغلبيـه

قل دوسري وأبشر بعز المقامـي
كرامـه وتقديـر وأحلـى تحيّـه
أنت بس قلها ووالله أنك الأمامي
شهـادة للعـز ضمـن الهويـه

سعد الولد لاجاء خواله عمامـي
دواسـر منـا ومـنـا هنـيّـه

منقوله

تقبلو تحياتي