|
قصيدة في الاخ ماجد بن رسان القودة
سلام يابن قويد يامنبع الطيب = ياطيب من طيب ساسه وراسه
بحر الندا مافيه شك ولاريب = بيت المعزه ثابت فوق ساسه تطلع عليه الشمس من شرق وتغيب = ماغيرت صلف الهبايب قياسه فيه الشجاعه والكرم والتراحيب = مع الصخاء والجود عرف وفراسه بانينه الي ينطحون المواجيب = وافعالهم سور وراها الحراسه شرواك ياماجد حصان الأطاليب = صيتك ظهر بالفعل ماهو دساسه من لابتن لامن عوى الذيب للذيب = اهل الوفاء اهل الظفر والحماسه واهل السلوم الي تنقى من العيب = للجار والعاني وللضيف أناسه هذا وكلً له اسلوب وهناديب = وكلن على ماقيل يلبس مقاسه والرابح اللي سالم من العذريب = اللي جعل ثوب المراجل لباسه معا بني عمه وعند الأجانيب = شرواك ياماجد بعيد مراسه حر تعلا في طوال المراقيب = وجهه يبشر بالشبب والشراسه ياشوق ترفات البني الرعابيب = اللي تعاف اهل الخنا والدناسه جيتك ونا لي لازم سهل وصعيب = اسهل على المطنوخ من شرب كاسه وسلم سلمت ودمت يامنقع الطيب = ياطيب من طيب ساسه وراسه
|
رد: قصيدة في الاخ ماجد بن رسان القودة
ارحب يابوحسن والله يحييك اولا في محلك موقع قبيلة الدواسر الرسمي
ثانيا صح الله لسانك حتى ترضى على هذه الشامخة ثالثا يستاهل اخوي وزميلي الغالي ماجد بن راسان ماقلت فيه وفي ربعه ولاهو غريب عليك رد الوفا ولا هو غريب عليه فعل الجميل تقبل مروري المتواضع ودمت بخير |
رد: قصيدة في الاخ ماجد بن رسان القودة
يا مرحبا ومسهلا فيك يا اليامي بين اخوانك في منتداك وصح لسانك ولا هنت على هذا النظم الجميل و لا عيك زود ويستاهل بن قويد ما قيل فيه ولا هي غريبه عليه
|
رد: قصيدة في الاخ ماجد بن رسان القودة
عبدالله الفهادي صح لسانك واعتلى شانك على هذه الرااااائعة
ويستاااااهل ماجد بن راسان المدح وهو اهلا له تحياتي وتقديري |
رد: قصيدة في الاخ ماجد بن رسان القودة
صح الله السانك واعتلى شانك وبيض الله وجهك على هذه القصيده الجزله
يستاهل ماجد بن راسان ماقلت فيه وبيض الله وجهك ووجه |
رد: قصيدة في الاخ ماجد بن رسان القودة
|
الساعة الآن 11:08 AM
 |
Powered by vBulletin® Copyright ©2000 - 2025, Jelsoft Enterprises Ltd.
---