يواسيني وانا الميت وحالـي يجبـر الدمعـات=تسيل من الذي فيني ويبكـي وهـو يواسينـي
وانا ابكي واتنهـد وارسـم بالحـزن لوحـات=يجبروني عشان امشي ورجلـي مـا تمشينـي
قتلت رعايتي بيدي قتلـت الحـب والرحمـات=حرمت النفس من حقها وانا ابكيهـا وتبكينـي
وكنه حلـم قدامـي يقيدنـي مـن الصرخـات=ابي اصحى ولكني عجزت القى الي يصحينـي
فداش القلب يايمه ومهمـا قلـت مـن كلمـات=صغيره في كبر حقش بـس اتمنـى تعذرينـي
نهبت الفرح من بيتي صحيح اني خسيس الذات=صحيح اني ولد طايش وكل ما أسمعـه فينـي
تجول عيونهم فينـي تفصـل منـي قياسـات=وتشيح وجوههم عنـي وكنـي غيـرت دينـي
يظنون حزنهم اكبر وهـم اصحـاب هالمأسـاة=وانا اتحدى اذا فيهم ربع مـا يحتـرق فينـي
نقص قدري بعد موتش وغابت نشـوة اللـذات=وصـار الهـم عكـازي اباكيـه ويباكيـنـي
عطيتيني بدون حساب ولا سمعتش تقولين هـات=وانا اشرب حيل من دمش ودمـش مـا يكفينـي
يايمه ارجعي كافي ابجلس معش لـو لحظـات=واقبل ايدش ورجلش وافرش لش رمـش عينـي
يايمه ما تحملهم يقولوا فـات مـا قـد مـات=تعالي غيري هالقول واطيعـش باقـي سنينـي
واترك عادة التدخين وانفذ مـا تبـي بسكـات=واصلي الفجر في المسجد قبل منتي تصحينـي
يايمه ارجعي تكفين وطفـي شمعـة الآهـات=ابيش انتي ولا غيـرش علـى موتـش تعزينـي
وضميني وداويني مثـل مـا كانـت الهقـوات=ما ابي احدن يواسيني ابيـش انتـي تواسينـي
دخيلش بس لا تبكين اذا شفتـي بـي الدمعـات=انـا مقـوى ابكـيـش اذا انـتـي تبكيـنـي

المشاركة الأصلية كتبت بواسطة عبدالله الصخيبري وعليكم السلام ورحمة الله وبركاته الله يعافيك ياراكان وماجور والسلامه الغالي راكان لاهنت على النقل والله يرحم والدة العجمي واموات المسلمين جميع والمكتوب صاير بسببه ولا بسبب غيره لكن الله يجبر عزاه هذا الي حن بنقوله اخوك:عبدالله

المشاركة الأصلية كتبت بواسطة مسفر المصارير لا هنت أخوي: راكان العجمي نسأل الله أن يرحم والدة الشاب ويسكنها الجنه ويرحم أموات المسلمين ,, أجمعين ,, آمين أخوك: مسفر المصارير

المشاركة الأصلية كتبت بواسطة عبدالرحمن الشرافي الله يعظم أجره ويرحم والدته.. ويسكنها فسيح جناته.. أخوي \ راكان لاهنت على هذه القصيده المؤثره حقيقة.. وتقبل تحياتي...

المشاركة الأصلية كتبت بواسطة فيصل الشكري نسأل الله عز وجل ان يرأف في حال الشاب وأن يرحم والدته ويسكنها فسيح جناته مشكور أخوي وبارك الله فيك على نشاطك