Could you speak English قالته بنت اليهود= وابلشت ولد الحمايل ولا رد الجواب
شاف لبسي وابتسم قال تكفى ماتجود=ازهمك وانخاك يازبن من خاف ويهاب
قلتنا للبنت wait آتظاهربالركود=وراسي الماخوذ ايلامن زهم جاه اضطراب
قلت له ياابن العرب مالي ومال القرود= قال لاتظلم نصيبك وعود للصواب
قلت له لوهي قمر مالها عندي ودود= واعتبرني همزة الوصل مرسال انتداب
قال قل صبحت بالخير يازين الخدود=قلت له لاتنهبل قال انا شفت العذاب
= I will be translator this is only my job
قالتok but tell him I am not like a food =
قال وش قالت وقلت ابشر بزين الردود= القمر يدري بقدره وله عندك عتاب
قال ويش معاتبه ياعسى ماهو يكود= قلت قالت نبهه لايظن اني زهاب
قال قل للحلو ماللردى عندي وجود=غايتي رشفه من الريق لجروحٍ عطاب
قلتنا اسمح لي ترى مابقى عندي صمود=قال تكفى ماهقيتك تخليني مصاب
قالتexcuse me he has understood =
قال تكفى ويش علمك ترى شفت النهود= لاتخلي ضامينٍ يذبحه طرد السراب
قلت له يالجودي مابرجلينك قيود= وناقتك مثلك ميسر تدور للضراب
واتقيت وما اظلم الربع ماانقص ماازود= مير جا في خاطري عقبها نوع ارتياب
وش جزا من يضرم النار ويصب الوقود=عا دتي فعل المراجل وادور للثواب
والمعاصي مابها مرجله علمٍ وكود=لازم اهدم مابنيته على ساس الخراب
جيت اصلح غلطتي ياعساها ماتعود=ولقيت الشعب خالي من اثار الركاب
غلطتك ياراسي وياعساها لك تفود=لاتعجل في المراجل وحسبها حساب
كل ما نفعل علينا مسجل ومعدود= نرجي الله رحمته يوم تسليم الكتاب

اقتباس: المشاركة الأصلية كتبت بواسطة ابن وتيد قال تكفى ويش علمك تـرى شفـت النهـود = لاتخلـي ضاميـنٍ يذبحـه طـرد السـراب قلـت لـه يالجـودي مابرجليـنـك قـيـود = وناقتـك مثلـك ميسـر تـدور للـضـراب ارحب يالحر تراحيب المطر صح لسانك مليووووووووووووووووووووووون يالقرم قصيده من طراز خاص ومعاني جزله الله لايهينك يالوزير وعسا عمرك طويل وعساك ماتخرب

اقتباس: المشاركة الأصلية كتبت بواسطة فتى الجود ارررررررررررررررررررررررحب يالحر ترااااااااااااحيب المطر لاغبت فقدناك ولا حضرت درانا بك لكن تراك مقروع من الترجمه الله يجزاك خير :) اخوك فتى الجود

اقتباس: المشاركة الأصلية كتبت بواسطة يحيى الودعاني صح لسانك أخوي الحر ( ترجم الأنجليزي ) ما ادري وش معناه

اقتباس: المشاركة الأصلية كتبت بواسطة وقيان الصخابره اخوي الحر صح ألسانك مليووووون قصيدة جزله جمعت بين المعاني الجزله والفكاهة ومفهومه للي يعرف الانجليزي تحياتي

اقتباس: المشاركة الأصلية كتبت بواسطة دغش البطي الشاعر والمترجم : الحر لقد سعدت بقرآءة هذه الباذخه بالجمال قصيدة ممزوجة باللغتين العربية والأنجليزية في بادرة جميله من شاعرٍ متمكن والله لايهينك على هذه الترجمة بين أخوياك ولو أنك كسبت منها ذنب لكن الله يغفر لك كـل مـا نفعـل علينـا مسجـل ومـعـدود=نرجـي الله رحمتـه يـوم تسليـم الكـتـاب على العموم صح الله لسانك ملايييييييييييييييييييييييين عاطر التحايا القلبية لمقامك العالي محب الجميع : دغش البطي