::: مـنتدى قبيلـة الـدواسـر الـرسمي ::: - آلـَدنيا مآ تغٌيرٰ وڤي..'

- :: قسم الـشعر العــام :: (http://alduwaser.org/vb/forumdisplay.php?f=16)

- - آلـَدنيا مآ تغٌيرٰ وڤي..' (http://alduwaser.org/vb/showthread.php?t=63269)

آلـَدنيا مآ تغٌيرٰ وڤي..'

يوم هبّ الوقت وأعماني عجاجه
الفرج عيّا .. وأنا بالصبر راهي !

ويوم مال وطاآاآل ميله وأعوجاجه
رحت أدوّر شي ٍ يشد إنتباهي !

وشفت زولك مقبل ٍ مثل إنفراجه
كنّه اللي جايبٍ عزّي و جاهي

ياآاآه ياضيقات صدري وإبتهاجه
تذكر آخر مرة ٍ شفتك ..متى هي !

صاحبك من يومها زاد إحتياجه
وأمتطى ظهر المصايب والدواهي !
سولف الليله على قلبي و ناجه
من بقى لي غيرك أفخر به وأباهي !
يابعد من كدّر غيابي مزاجه
ويابعد من مرّت حروفه شفاهي !
رغم حيرة قلبك ورغم إنزعاجه
الزمن .. ماغيّر احساسه تجاهي !

ورغم وحشة بعدك ..و ( قسوة سياجه )
كل حاجه فيك ظلّت مثل ماهي !
الخجل في وجهك أول مـ نتواجه
والبراءه في عيونك وأنت ساهي !

وبسمتك لامن بغيت تقول حاجه
وغيرتك لاشفت كنّي عنك لاهي !
قبل أشوفك .. والزمن عاقد حجاجه
أسأله : وش فيك ؟! وألقى العذر واهي !

ويوم شفتك قلت للوقت وعجاجه :
هيه ياللي في طعونك كنت راهي !
أنت لو غيّرت فينا ألف حاجه
القلوب( البيض )تبقى مثل ماهي

للمبدع/فهد المساعد
راقت لي
ودي