::: مـنتدى قبيلـة الـدواسـر الـرسمي :::

خليني اتعب والتعب معك راحه/
ياغاويه ببطي واناماتريحت&
بين المجامل والعتب *والصراحه/
كم خطوتن آقف وكم خطوتن طحت&
روحي بوجهن مابقاله سماحه/
وخذي وعد معاد اعوّد اليارحت&
خليني أخذ في فراقك مساحه/
واسهر معا طيفك *واسامحك لصبحت&
مانيب ابيح الظلم ونتي مباحه/
حتى لو انه بيّح السد مابحت&
ناظر جروحي *ياطبيب الجراحه/
توعد ولا تافي ولاانصحت ماانصحت&
هذي شعورالي كسرتي جناحه/
كاس المراره من يدك يشربه بحت&
على رجا صافيك يصفي قراحه/
بذلت معك اقصار جهدي ولاافلحت&
البورصه معاد تسوا الملاحه/
آخر قرارن اتخذته وصرحت&
يفداك حلمن ماتحقق نجاحه/
*الياشريت اشري ولابعت لمحت&
مانيب جاهل في اسلوب السباحه/
مافيه بحرن ماسبحت وتسبحت&
ماعاد للرجعه دروبن متاحه/
من يوم زحتيني بكيفك وانا انزحت&
كيف اصلح الي مستحيلن صلاحه/
اصلّحه ونتي تقولين مااصلحت&
من شاف في صدري مضارب ارماحه/يقول صارت كل هذي ولاصحت&
قلت اعرفه يبغي يجرب اسلاحه/
اسمه على باب الغلا ناحته نحت&

الشاعر/ حمود ابن عقرب